“Дуслык” лагере үз эшчәнлеген дәвам итә. Бүгенге көнебез “Кояш, Һава, Су – безнең дусларыбыз” – девизы астында үтә. Балалар рәхәтләнеп саф һавада хәрәкәтле уеннар уйнап, сәламәтлекләрен ныгыттылар.

               Лагерь ачылу тантанасына әзерлек тулы көченә бара. Җырлар, биюләр өйрәнү, скетчлар, әкиятләр сәхнәләштерү – барысы да балаларның кызыксынуларын исәпкә алып оештырыла

     Бүген Г.Камал исемендәге Сикертән төп гомуми белем мәктәбе базасында мәктәп яны ял лагере эшли башлады. Анда 1 нче июньнән 21 нче июньгә кадәр барлыгы 20 башлангыч класс укучысы ял итәчәк. Лагерьнең беренче көне халыкара балаларны яклау көненә туры килә. “Балалар – Җиребез чәчәкләре” исеме астында укучылар асфальтта рәсем конкурсында бик теләп катнаштылар. Лагерьда ял алдан төзелгән план нигезендә оештырыла.  

    Уку елы төгәлләнергә санаулы көннәр калды. Бүген  6-7 класс укучылары  класс җитәкчеләре белән берлектә  табигать кочагына экскурсиягә чыктылар.   Тәмле итеп уха пешереп ашадылар. Укучылар бу көнне файдалы һәм күңелле итеп уздырдылар.

     Сегодня среди учащихся 7-9 классов выступил ведущий специалист аппарата исполнительного комитета Арского муниципального района Нигматуллин Мансур Камбилевич, который провел беседу по недопущению правонарушений и преступлений.

     Бүген "Самостоятельные дети" проекты кысаларында һәм сәламәт яшәү рәвешен пропагандалау максатыннан "Россия без табака" акциясе булып үтте. Укучылар авыл урамына чыгып тәмәке тартуның зарары турында сөйләделәр. 

         Бүген  27 май көнне Сикертән мәктәбенең 1-4 класс укучылары җәйге табигатькә  экскурсиягә чыктылар. Экскурсия барышында укытучы апалары Хөсәенова Гөлнур Мансуровна, Бәдриева Фәридә Һидиятулловна, Хәбирова Рая Павловна һәм Мәҗитова Рүзия Гафуровна укучыларга табигатьне пычратырга ярамаганлыкны, киресенчә, аның белән дус булырга кирәклекне аңлатты. Укучылар дару үләннәре белән таныштылар, чишмә тирәсен тәртипкә китерделәр. Әлеге экскурсия укучылар өчен файдалы ял булды.

            Бүген 9 нчы класс укучыларының сайланма фәннәрдән-җәмгыять белеме һәм химия фәненнән-экзамен. Уңышлар юлдаш булсын Сезгә!

     Бүген республикабызның барлык мәктәпләрендә дә "Соңгы кыңгырау"бәйрәмнәре гөрләп узды. Иртәгә мәктәбебезнең 6 укучысы, укытучыларының һәм әти-әниләренең хәер-фатихасын алып, тәүге имтиханнарына тотыначак. Чыгарылыш класс укучыларыбызга имтиханнарында һәм алдагы тормышларында уңышлар телибез.

     23-24 нче май числоларында район күләмендә туризм ярышлары үтте. Мәктәбебезнең Разыйл Расип улы җитәкчелегендәге "Туризм" түгәрәгенә йөрүче иң уңган егетләр һәм кызларыбыз көч сынашып кайттылар. Берничә төр ярышта җиңү яулап, грамоталарга ия булып, мәктәбебез данын лаеклы якладылар. Рәхмәт аларга!

               На районном конкурсе рисунков на асфальте, посвященном Дню пионерии, среди учащихся общеобразовательных школ Арского муниципального района участвовали ученики нашей школы Шамсемухаметова Гульшат и Камалова Алия.
                 Ученица 7- го класса Камалова Алия заняла 3 место в номинации «ПДД знай и соблюдай!» и была награждена грамотой и памятным подарком. Поздравляем наших девочек и желаем творческих успехов!