Балалар өчен йөрү һәрвакыт кызыклы вакыйга бит. Сентябрьнең иң яхшы көннәренең берсендә балалар бакчасына йөрүче балалар белән экскурсиягә үзгәрешләрне күзәтергә чыктык. Балалар көзге табигать буенча сәяхәт иткәндә күпме мавыктыргыч, файдалы, кызыклы нәрсәләр белделәр, тирә-юньдәгеләр турында яңа белемнәр алдылар.
   Табигатьне сакларга кирәклегенә инандылар.

  Хөрмәтле остазларыбыз! Ихлас күңелдән һөнәри бәйрәмегез белән котлыйбыз! Авыр хезмәтегездә түземлек, гаиләгездә тынычлык, тормышыгызда ак бәхетләр һәм сәламәтлек телибез! Барлык балаларыгыз да тәүфыйклы, акыллы булсыннар!

Һәр баланы үз сабые сыман
Иркәли ул сөя ярата
Хөрмәт йөзе берүк сүрелмәсен
Тәрбиячеләргә карата
 

   “Физкультура белән дуслыгым нык, ул бирә көч, кыюлык”
Тормышта иң кадерле нәрсә - сәламәтлек, аеруча балаларыбызның сәламәтлеге. Баланың физик яктан гына түгел, ә бәлки рухи, психологик һәм социаль яктан да сәламәт булуы турында кечкенәдән үк кайгыртырга кирәк. 

    Лашман авылы китапханәсендә балалар бакчасына йөрүче нәниләр экскурсиядә булдылар. Китапханә һәм безнең мәктәпкәчә учреждение дуслыгы инде күп еллар дәвам итә. Экскурсиянең максаты мәктәпкәчә яшьтән үк аларны китап белән кызыксындыру, китапка сакчыл караш тәрбияләү,балаларга китапханә нәрсә ул, анда кем эшли, китаплар кайда һәм ничек саклана, китаплар белән нинди мөгамәләдә булырга һәм ата-аналар белән китапханәгә ничек барырга дигән гомуми төшенчә бирү иде.

   Белемлелек кешенең шәхес буларак формалашуында мөһим роль уйный. Балалар бакчасында, мәктәптә алган белемнәр тормышыбызны үзгәртә. Балалар бакчасында да сентябрь аенда үткәрелгән белемлелек көне турында мәгълүмат бирелде, уеннар уйналды, Мондый чаралар үткәрү балаларда туган телгә сакчыл мөнәсәбәт формалаштыруга, характерның әхлакый сыйфатларын, сөйләмне, хәтерне, фикерләүне үстерүгә; патриотизм, толерантлык мәсьәләләрендә тәрбия бурычларын тормышка ашыруга ярдәм итә.

     Сентябрьнең икенче якшәмбесендә Россиядә танкчылар бәйрәме билгеләп үтелә.
Бу бәйрәм безнең балалар бакчасында да гадәттәгечә билгеләп үтелде:  Мәктәпкәчә яшьтәге балаларда патриотлык, рухилык тәрбияләү - безнең балалар бакчасы алдында торган иң мөһим бурычларның берсе.
Шушы бәйрәм белән без,
Танкистларны котлыйбыз.
Шатлык, бәхет, сәламәтлек
Һәммәсенә телибез.

   Кадерле балалар, хөрмәтле әти-әниләр һәм мәктәпкәчә яшьтәге тәрбия бирү өлкәсендә эшләүче апалар, сезне Белем көне белән котлыйбыз!Балалар барысы да акыллы, тәртипле булсын, бакчадагы көннәр күңелле үтсен. Хәерле сәгатьтә!

     30 нчы август Татарстан Республикасы көне уңаеннан балалар бакчасында балалар белән дәүләт символикалары, башкалабыз, туган җиребез турында әңгәмә үткәрдек, төрле өстәл уеннар уйнадык белгәннәребезне ныгыттык.
 

     22 август илебездә Россия Дәүләт флагы көне буларак билгеләп үтелә. Балаларга әләмдәге һәр төснең мәгънәсе аңлатылды, әңгәмә үткәрелде. “Россия флагы- горурлыгыбыз” дигән квест-уен оештырылды. Алар төрле биремнәрне үтәделәр. Балаларга уен бик ошады. Алар флагларны танырга, дәүләт символикаларын аерырыга өйрәнделәр. Нәкъ менә үз илеңнең дәүләт символларына ихтирам белән бергә һәркайсыбызның гражданлык һәм патриотик үзаңы формалаша, Ватанны ярату хисе тәрбияләнә.

    Ватанны фашистлардан азат итү өчен сәламәтлекләрен һәм гомерләрен биргән кешеләрнең ныклыгы һәм батырлыгы турында истәлек киләчәк һәм хәзерге буыннар йөрәгендә мәңге калырга тиеш.
Дөньяда яшәүче барлык кешенең бер теләге бар – туган илдә тынычлык булсын! Аларга мәңгелек дан һәм мәңгелек хөрмәт!
Безнең буынны саклап калган кешеләрнең батырлыгы беркайчан да онытылмас! Безнең бәхетле тормышыбыз һәм азатлыгыбыз өчен түгелгән канны ничек онытырга мөмкин соң.