14 нче февраль – Изге Вәли көне.  Мәхәббәт һәм дуслык бәйрәме!
Изге Вәли көне балалар бакчасында - мәҗбүри бәйрәм түгел. Әмма бу балалар белән дуслык, иптәшлек, мәхәббәт турында сөйләшергә бик яхшы мөмкинлек. Тәрбия максатларын исәпләмичә Изге Вәли көне балалар бакчасында, башка илләр халкының мәдәниятен һәм традицияләрен мәгълүматларын киңәйтү өчен дә үткәрелә. Безнең балалар бакчасында тәрбияче балалар белән бергә иң якын һәм яраткан кешеләренә бүләк әзерләделәр.

    "Ләйсән" балалар бакчасында Чирмешән муниципаль районының мәктәпкәчә белем бирү оешмалары мөдирләренең  " Федераль белем бирү программасын балалар бакчаларында гамәлгә ашыру шартларында мәктәпкәчә белем бирү оешмасы белән идарә итү”. " дигән темага район семинары үтте

    26 гыйнвар көнне «Ләйсән» балалар бакчасында Ленинград блокадасын өзүгә багышланган әңгәмә узды, презентация каралды. Әлеге чараларның максаты: балаларның Ленинград халкының батырлыгы турында күзаллауларын киңәйтү, патриотизм хисе һәм кичерә белү.
 

   15 нче гыйнварда кышлаучы кошлар көне билгеләп үтелә. Бу көннең максаты- кышкы суыкларда кошларны ашатырга җим куярга кирәклеген искә төшерү. Төбәгебездә яшәүче кошларга салкын кыш көннәрендә бик кыенга туры килә. Кыш айларында канатлы дусларыбызга, без, кешеләр, ярдәмгә киләбез.
Балалар бакчасыннан ук балалар кышлаучы кошларны танырга, аларның тормышы белән кызыксынарга өйрәнәләр.
Бүген дә кошлар турында шигырьләр, әкиятләр укыдык, табышмаклар әйттек, уйнадык һәм кышкы кошларга сокландык. 
   Канатлы дусларыбызны кышлаучы кошлар көнендә генә түгел, һәрвакыт сакларга кирәк.
Кошлар - табигать сакчылары!

2023 год Указом Президента России Владимира Путина объявлен Годом педагога и наставника. Миссия Года - признание особого статуса педагогических работников, в том числе выполняющих наставническую деятельность. Мероприятия  Года педагога  и наставника будут направлены на повышение престижа профессии учителя. 

Яңа 2024 ел белән!

Дуслар белән бергәләп
Бәйрәмне каршыларбыз.
Чыршы тирәли уйнап,
Җырлап күңел ачарбыз.

   Безнең балалар бакчасы да сихри матурлыкка күмелде.

  12 декабрь - РФ Конституциясе көнен бәйрәм итү кысаларында «Ләйсән» балалар бакчасында  "Ватан нидән башлана?" дип аталган темага әңгәмә алып барылды. Балалар Конституция дәүләтнең төп законы, анда кагыйдәләр язылган булуын, Россия халкының шушы кагыйдәләр нигезендә яшәвен белделәр.

     2023 нче елның соңгы көннәре дә якынлашып килә.Балалар зарыгып Кыш бабайны, аның бүләкләрен көтә.Үзләре дә бәйрәмгә шигырь,җыр биюләр өйрәнәләр.   

Без көттек бик күптән,

Яңа ел килә дип,

Сиңа сөйләргә дип

Шигырьләр өйрәндек.

     Һәр ел декабрьнең аенда республика,район күләм инвалидлар ун көнлеге үтә.  Безнең балалар бакчасында ел саен инвалидларга карата ихтирамлы һәм кайгыртучан мөнәсәбәт булдыру максатыннан төрле чаралар үткәрелә. Балалар белән төрле темаларга әңгәмәләр, матур әдәбият әсәрләре укыла, сюжетлы-рольле уеннар уйнала. Ә бүген без бу җир йөзендә без бер хокуклы булуыбызны дәлилләдек, “дуслык” сүзенең мәгънәсен ачыкладык.