Санитар-экологик икеайлык кысаларында мәйданчыкны матурлау чистарту эшләре тәмамланып килә. Көннәр җылынып, кояш җылы нурларын сибеп, утырткан үсентеләребез безне шатландырсын иде.

       Санитар-экологик икеайлык кысаларында табигатьне матурлау чистарту эшләре дәвам итә. Инде кояш та елмая. Без мәйданчыкны яшеллеккә күмү өчен, үсентеләрне түтәлләргә утырттык. Тиздән мәйданчыгыбызны аллы-гөлле чәчәкләр бизәр.

       2024 елның 20 маенда безнең балалар бакчасында террорчылыкка каршы саклану буенча Бөтенроссия өйрәнүләрен үткәрү кысаларында, гадәттән тыш хәлләрдә эш итү күнекмәләрен өйрәнү буенча уку-күнекмә эвакуациясе узды.Тренировка эвакуациясенең төп максаты-тәрбияләнүчеләрдә һәм хезмәткәрләрдә террорчылык куркынычы барлыкка килгән очракта куркынычсыз тәртип һәм гамәлләрне практик эшкәртү күнекмәләрен формалаштыру.Төп бурычларының берсе-белем бирү процессында катнашучыларның иминлеген тәэмин итү.

    19 нчы май көнне Чирмешән муниципаль районында игелек хәйрия ярминкәсе узды Анда безнең бакча коллективы да катнашты. Ярминкәдәге һәр өстәл сатып алучыларны бай ассортимент белән җәлеп итте: кул эшләре, сувенирлар, бизәнү әйберләре һәм башка декоратив-кулланма иҗат әйберләре, сынлы сәнгать, пешерү һәм тәм-томнар. Район мәдәният йорты хезмәткәрләре игелек ярминкәсен музыка белән җанландырды.
   Алынган акчалар Чирмешән мобилизацияләнгәннәрнең ярдәм фондына юнәлтелде.

   Безнең балалар бакчасында тәрбияләнүчеләр дә "Мин һәм Кызыл китап" Республика балалар кул эшләнмәләре конкурсында катнашты. Әти-әнилргә зур рәхмәт! Афәрин!.

      Табигатьне күзәтү, аны өйрәнү, сакларга омтылу, балаларның рухи дөньясын баета, уйларга өйрәтә. Шуның өчен, балалар бакчасында тирә якны өйрәнү табигатькә сакчыл караш , экологик тәрбия, зур урын алып тора. Без дә табигатькә чыгып, һәрдаим тирә якны өйрәнәбез. Бүген саф һавада йөргәндә тузганак чәчәген күзәттек, әңгәмә үткәрдек.

Без алар белән горуланабыз! Алар батырлыгы мәңгелек!

    Бәйрәм дигәч, күбебезнең күз алдына дәртле җыр-биюле, шат авазларга күмелгән мизгелләр килеп баса. Әмма шул күпсанлы бәйрәмнәр арасында күз яшьләре белән искә алына торганы бар. Ул – 9 Май – Бөек Җиңү көне.Без, сугыштан соңгы буын вәкилләре, бу Җир йөзендә яшәвебез өчен илебез бәйсезлеге өчен көрәшкән кыю фронтовикларыбызга, фронтка дип корал койган, үзләрен аямыйча көн-төн эшләгән тыл хезмәтчәннәренә мең-мең кат бурычлыбыз.

     9 Май – Бөек Җиңү көне. Бүген Лашман авыл мәдәният йортында Бөек Җиңү көне уңаеннан бәйрәм чарасы, тыл ветераннары, сугыш ветераннары катнашында митинг узды. Аларда патриотик җырлар, шигырьләр дә күп яңгырады.Без дә бу чарадан читтә калмадык.

    Халыкның рухи мирасы, күңел җәүһәрләре балага дөрес, нәтиҗәле тәрбия бирүдә бай хәзинә.Табигать тарафыннан кешегә сәләтләр төрлечә бирелә, ләкин даими күнегүләр ярдәмендә һәр баланың сәләтен үстерергә мөмкин. Театраль чара аша бала яңа хисләр, белемнәр, күнекмәләр, матур әдәбиятка кызыксыну, сүз байлыгы, сөйләм телен үстерү зәвык һәм әхлак тәрбиясе алалар.
    А.Алишның "Койрыклар" әкиятен сәхнәләштереп без театр эшчәнлеге белән таныштык. Театр –ул бәйрәм. Кешеләр театрга ял итергә, күңел ачарга, спектакль карар өчен киләләр. Ә кайбер кешеләр өчен ул эш урыны. Әле без әкиятне сәхнәләштереп артист һөнәре, театр тормышы турында да белдек.