Быел мәктәбебезгә 1 нче сыйныфка 6 укучы килде. Мәктәпне бик яратып, кызыксынып укучы шушы балаларның көннәрен тагын да мавыктыргычрак итү максатыннан иң алдынгы кызларыбыз  Гөлшат белән Рәзилә үз ярдәмләрен тәкъдим иттеләр. Кызлар алар белән уеннар оештыралар, кызыклы китаплар укыйлар, музыка тыңлап рәсем ясыйлар, балаларны мәктәп тормышы белән якыннан таныштыралар.

   Кичә мәктәбебезнең 5 - 6 нчы класс укучылары тарих фәне укытучысы Хисмәтуллин И.И. җитәкчелегендә Җиңү паркына сәяхәт кылдылар. Анда урнаштырылган хәрби техникалар, сугышта һаләк булганнарга куелган обелиск белән таныштылар, беседкаларда утырып ял иттеләр. Үзләренә яңа дуслар таптылар, уеннар уйнадылар. Рәхәтләнеп ял итеп, уңай тәэсирләр белән өйләргә таралыштылар.

    Яраткан язучыбыз Мөхәммәт Мәһдиев әсәрләре укучыларыбызның өстәл китабы, чөнки тормышның бөтен сорауларына геройларының кылган гамәлләре аша җавап табарга була,тормыш юлында адашмаска өйрәтә. 

           Сентябрь. Җәй тәмамланды, көз җитте. Кояшлы матур көннәрдә бакчаларда көзге эшләрне башкарырга кирәк. Менә бүген дә укучылар мәктәп бакчасында тырыша-тырыша эшләделәр: кабаклар, патиссоннар, ташкабаклар җыйдылар, бакчаны чүптән чистарттылар.

    Без үстергән яшелчәләр

   Менә ничек уңганнар!

   Кабаклар берсе-берсе

   Дәү шар хәтле булганнар!

          1 нче класслар әкренләп  күңелле мәктәп томышына ияләшеп киләләр. Дәресләр беткәч тә мәктәптән кайтып китәселәре килми, кызыклы уеннар уйныйбыз, мавыктыргыч мультфильмнар карыйбыз. Бүген “Карлыгач” балалар бакчасына йөрүче балалар белән бергәләп табигатькә чыктык. Балалар күмәк уеннар уйнадылар, үзара кызыклы әңгәмә кордылар, мавыктыргыч мәктәп тормышы турында нәниләргә сөйләделәр. Дуслык әнә шулай була ул!

Нәни дуслар белән бергә

Шундый рәхәт, күңелле!

Саф Һавада уен уйнау -

Күтәрә ул күңелне.

          Быелгы уку елында мәктәбебезнең 1 нче сыйныф укучылары да инглиз телен үзләштерә башладылар. Бүген әле беренче генә дәрес булса да, балаларның кызыксынулары бик көчле. Сиринә Ильшатовна занятияләрне бик мавыктыргыч итеп алып бара. Аларга алда уңышлар телибез!

   Яңа уку елы башлану белән һәр укучы үз вазыйфаларына кереште. Мәктәп күләмендә дежур торган укучылар дәреслекләрнең тышланышын тикшерделәр. Дежур укучыларның тикшерү нәтиҗәләре уңай булды. Дәреслекләрне  саклап тоту – һәр укучының изге бурычы икәнен укучылар анык белә.

Ярышка әзерләнәбез

Бүген  бик тә дәртләнеп.

Волейбол уйныйбыз без

Барыбыз да  шатланып!

     Бүген мәктәбебездә Татарстан Республикасы Арча һәм Әтнә районнары буенча гадәттән тыш хәлләрне кисәтү һәм янгын куркынычсызлыгын тәэмин итү бүлеге җитәкчесе урынбасары капитан Гыйлмуллин Раил Гомәр улы янгын куркынычсызлыгын тәэмин итү, гадәттән тыш хәлләрне кисәтү һәм булдырмау турында чыгыш ясады.  Янгыннарны булдырмый калу буенча дөрес чаралар күрә белү кирәклеген ассызыклап китте.

Көмеш кыңгыраулар суза

Тәүге дәрес җырын.

Белем йортларына уза

Ашкынып яшь буын

Чакыра, тагын чакыра

Кыңгырау классларга.

Бүгеннән–Белем көненнән

Уку елын башларга.

Балалар кайта мәктәпкә,

Хушлашып җәйләр белән,

Көзге чәчәкләр һәммәсен

Тәбрикли бәйрәм белән!