Биология һәм география укытучы Ч. Р. Сәгыйдуллина җитәкчелегендә мәктәбебездә "Яшь натуралистлар" түгәрәге эшли. Чираттагы дәрестә укучылар гөлләрне кышка әзерләделәр.

Безне спорт серләренә

Разыйл абый өйрәтә

Бүген дә йөгереп кайттык 

Кырлай дигән төбәктә.

        Башлангыч сыйныф укучылары сәламәт яшәү рәвешен пропагандалауга карата  конкурска "Тормыш гаҗәеп һәм мавыктыргыч", "Минем дусларым", "Без бергә булганда бәхетле!" дигән темаларга рәсем ясадылар.

       Бу айда күренекле язучы Гариф Ахуновның тууына 90 ел тулды. Татар әдәбиятында үзенең лаеклы урынын алган повестьләре, романнары белән ("Хәзинә", "Идел кызы", "Чикләвек төше" һ.б) танылган язучының тормыш юлын, иҗатын мәңгеләштерү максатыннан бүген мәктәбебездә класс сәгатьләре үтте. Укучыларыбыз Гариф Ахуновның   "Дөньяда ике могҗиза бар: берсе чишмә, икенчесе - әлифба" дигән канатлы фикеренең бүгенге көндә дә актуаль икәнлегенә төшенделәр.

       Бүген мәктәбебезнең "Мөстәкыйль балалар" проектында катнашучы SaPeR отряды "Елмаюыңны бүләк ит" акциясе белән балалар бакчасында булды. Алар бакча балаларына елмаю белән бергә күңелле көн бүләк иттеләр.

     Мәктәбебез укучылары  китапханәгә бик яратып йөриләр.Китапханәче Ильнар Илгизәр улы яңа китаплар белән даими  таныштырып бара, төрле кызыклы бәйгеләр үткәреп, укучыларда китапка мәхәббәт тәрбияли.

Бүгенге кояшлы көн кебек мәктәбебез тирә-ягы елмаеп -көлеп тора.Укучылар һәм укытучылар коллективы бүгенге өмәдә бик тырышып эшләделәр.

       Туган якка Алтын көз килде. Көзнең алтынлыгы, муллыгы һәм күркәмлеге уңыш белән билгеләнә. Мәктәп яны бакчабызда быел да яшелчәләр мул уңыш бирде.

       Көзнең матур бер көнендә

        Без барыбыз җыелып,

        Кишер алабыз бакчада

        Уңышына сөенеп.

           Мәктәбебездә спортка һәм сәламәтлеккә зур игътибар бирелә. Укытучылар һәм укучылар ГТО нормалары тапшыра. Ә аңа әзерлек кече яшьтән үк башлана. Бүген башлангыч сыйныф укучылары белән" Күңелле стартлар" оештырдык. Балалар рәхәтләнеп йөгерделәр, көч сынаштылар. Бик күңелле булды.

              Сәламәт булыр өчен,

            Спорт белән дус бул син!

            Йөгер, сикер, калышма,

             Укуда да сынатма!

    Бүген башлангыч сыйныф укучылары көзге экскурсиягә чыктылар. Укытучы апалары аларны табигатьтәге үзгәрешләр белән таныштырды. Укучылар мавыктыргыч уеннар уйнадылар, көннәре бик күңелле узды.