“Җырым белән җиңдем дошманны...”     

      Мәктәбебездә “Хәтер Маршы – 2016” кысаларында Советлар Союзы Герое, Ленин премиясе лауреаты патриот-шагыйрь Муса Җәлилнең тууына 110 ел уңаеннан класс сәгатьләре, “Гомерем минем моңлы бер җыр иде...” дип аталган әдәби-музыкаль чара үтте. Татар теле һәм әдәбияты укытучысы Нәгыймова Равилә Рәфкать кызы җитәкчелегендә 1 нче һәм 9 нчы сыйныф укучылары шагыйрьнең балачагы белән бәйле күренешләрне “Кызыл ромашкалар” шигырен сәхнәләштерделәр, тормыш юлын яктырттылар, Муса Җәлил сүзләренә язылган җырлар башкардылар. Әлбәттә инде, бик күп шигырьләрен яттан сәнгатьле сөйләделәр. Батырлар үрнәге булган Муса Җәлил иҗаты күпләрдә тагын бер кат кызыксыну уяткандыр.

      Мәктәбебез Галиәсгар Камал исемен йөрткәнлектән, театр коллективы белән тыгыз элемтәдә торабыз. Корпоратив клиентлар белән эшләү менеджеры  Сөнгатуллина Гөлүсә чираттагы чакыру җибәргәч, 24 нче февраль көнне  без юлга чыктык. Уңайлыклары булган экспресc автобус коллективны килеп алды. Бу көнне Фәтхи Бурнашның "Яшь йөрәкләр" музыкаль комедиясе куелды. Актёрларның осталыгына сокланып, чын күңелдән ял итеп кайттык.

   Февраль ае мәктәптә хәрби-патриотик тәрбия айлыгы дип игълан ителде. Ай башыннан ук хәрби-патриотик чаралар планын төзеп куйдык. Шул план нигезендә оешкан төстә чараларны үткәрдек. Класс сәгатьлэрендә хәрби-патриотик темага әңгәмәләр үткәрелде, укучылар кораллы көчләр тарихы белән таныштырылды.  8 нче сыйныф укучылары Ватанны саклаучылар көненә газета чыгардылар,  6 нчы сыйныф укучылары “ Халык бәхете өчен көрәшчеләр“,  7 нче сыйныф укучылары “ Бөек Ватан сугышында катнашкан авылдашлар “ темаларына альбомнарны  яңарттылар. 2 нче сыйныф укучылары Армия сафларында хезмәт итүче егетләргә котлау хаты язып җибәрделәр.  Барлык сыйныф укучылары яшь герой антифашист көненә багышлап класс cәгате үткәрделәр.  Ә бүген исә егетләрдә коллективизм, түземлелек, ярдәмчеллек тәрбияләү, аралашучанлык, дуслык мөнәсәбәтләре урнаштыру максатыннан "Ягез әле, егетләр" бәйгесе оештырылды.

      Сегодня в г. Арск прошли традиционные соревнования по лыжным гонкам, посвященные памяти сильнейшего лыжника Фаниля Гарафеева. В соревнованиях приняли участие учащиеся из нашей школы. Ученица 2 класса Шамсемухаметова Илюза заняла 1 место. Поздравляем её с победой и желаем успехов.

Тел дигән дәрья бар,

Дәрья төбендә мәрҗән бар.

Белгәннәр чумып алыр,

Белмәгән карап калыр.

                                                                      Нәкый Исәнбәт

   Татар теле укытучысы Равилә Рәфкать кызы җитәкчелегендә мәктәбебездә "Туган тел атналыгы" дәвам итә. Бүген "Иң тапкыр укучы" исеме астында кроссворд, ребуслар чишү ярышы булды. Классларда туган телгә багышлап, зәвыклы, эчтәлекле стена газеталары чыгарылды.

            Берләшкән Милләтләр оешмасы карары буенча, 21 нче февраль Халыкара туган тел көне буларак билгеләп үтелә.  

            1999 нчы елның ноябрендә, Бангладеш дәүләте тәкъдиме белән, ЮНЕСКО Генераль конференциясе, ЮНЕСКО га кергән илләр һәм БМО 21 нче февраль көнен Туган тел көне дип игълан итте. Шул уңайдан бүген мәктәбебездә Туган тел көнен билгеләп үттек. Укучылар татар теленә багышланган шигырьләр сөйләделәр, табышмаклар чиштеләр, мәкальләр әйтештеләр. Кичә татар халкының гимны - "Туган тел" җыры белән тәмамланды.

       Халыкара туган тел көне 2000 нче елның 21 нче февралендә беренче тапкыр тантаналы рәвештә билгеләп үтелә. Туган тел көнен үткәрүнең  максаты – юкка чыга баручы телләрне саклап калу. Шул уңайдан бүген мәктәптә тәрбия сәгатьләрен 21 нче февраль – Халыкара туган тел көненә багышладык. Тәрбия сәгатендә Гөберчәк китапханәсе җитәкчесе Нуриева Г.З кызы да катнашты. Укучыларда туган телебезгә карата җылы караш тәрбияләнде. Тел – халыкның, милләтнең иң беренче, иң әһәмиятле билгесе. Тел бетсә, ул телнең иясе булган халык та, милләт тә югала.

       Мәктәбебездә хәрби - патриотик айлык дәвам итә. Бүген башлангыч сыйныфлар арасында "Күңелле стартлар" үткәрелде. Укучылар ике командага бүленеп төрле спорт ярышларында катнаштылар. 

    "Муса Җәлил талантлы шагыйрь генә түгел, аның язмышы бер яктан фаҗигале булса, икенче яктан ул каһарманлык үрнәге. Ул әдәби яктан, хәрби, әхлакый мөнәсәбәттә батырлык, рухи бөеклек күрсәтте" - дип яза, Советлар Союзы Герое, язучы - Владимир Карпов. Муса Җәлилнең тормыш юлы да, иҗаты да - бөтен кешелекне патриотик рухта тәрбияләү мәктәбе. Безнең мәктәптә дә Муса Җәлилнең иҗатына, тормышына багышланган күп төрле чаралар: тәрбия сәгатьләре, ярышлар, конкурслар уздырыла һәм ай буе дәвам итә. Мәктәбебез укучылары һәм укытучылары хәрби - патриотик рухта, батырлык үрнәгендә яши, иҗат итә.

     Мәктәптә хәрби-патриотик айлык дәвам итә. 15 нче февраль – 10 ел 1 ай һәм 18 көн дәвам иткән Әфган сугышында катнашкан каһарманнарны искә алу көне. Бүген тарих һәм җәмгыять белеме укытучысы Хисмәтуллин Илнар Илгизәр улы “Әфган сугышы: сугышны солдат сайламый, солдатны сугыш сайлый” дигән темага 5-8 сыйныфлар өчен ачык класс сәгате үткәрде. Балалар бу дәрестә Әфганстан сугышы, аның асылы белән таныштылар.