Мәктәбебездә бүгеннән башлангычлар атналыгы тантаналы рәвештә башланып китте. Балалар беренче көннән үк җырга, сәнгатьле укуга сәләтләрен күрсәтә алдылар. Укытучылар укучыларны алдагы көннәрдә көтеләчәк күңелле вакыйгалар белән таныштырдылар.

     Мәктәп туры олимпиадалары башланып  китте. Бүген 5 нче сыйныф укучылары инглиз теле фәненнән олимпиада эше башкардылар. Әле алда  аларны күп төрле сынаулар көтә. Укучыларыбызга район күләмендә оештырылачак олимпиадаларда да уңышлар телибез!

     6 нчы октябрь көнне мәктәп коллективы ветеран укытучыларның өйләрендә булды. Аларны бәйрәмнәр белән тәбрикләп, күчтәнәчләр тапшырып, матур теләкләр белән сөендерделәр.

       Укучыларыбыз өлкәннәребезне хөрмәтләп,мәдәният йортында эчтәлекле концерт куйдылар. Үз оныкларының җылы сүзләрен, матур җырларын,оста биюләрен сокланып һәм горурланып  карап утырдылар әби-бабайларыбыз.

      Хөрмәтле укытучыларыбыз! Сезгә алдагы тормышыгызда яңадан яңа үрләр яуларга язсын. Авыр, әмма җаваплы һәм мактаулы эшләрегездә зур уңышлар телибез!

Рәхмәт сезгә укытучыбыз,

Безнең яшь буынның

Йөрәгенә салдыгыз батырлык,

Күңеленә нур, теләгенә канат

Акылына бирдегез матурлык.

Авырлыклар бер дә кичермәгез

Кыенлыклар бердә килмәсен.

Сезнең йөзегездә шатлык нуры,

Балкып торсын, мәңге сүнмәсен.

        Бүген 5 нче класс укучыларының әти-әниләр җыелышы булды. Көн тәртибе буенча укыту-тәрбия эшләре буенча директор урынбасары Шәмсемөхәмәтова Г.Ф. әти-әниләргә өй эшләрен хәзерләүдә әти-әниләрнең ярдәме турында сөйләде.  Укучыларның 5 нче класска әзерлеген тикшерү максатыннан, әти-әниләрдән анкета сорауларына җаваплар алынды.

       Бүген мәктәбебездә  “Ялтыра һәм  юлда  күрен!” исеме астында акция узды. Әлеге акция балаларга киемнәрендә яктылык кайтаргыч фликерлар булдыру максатыннан оештырылды. Класс сәгатьләрендә тагын бер кат юл йөрү кагыйдәләре кабатланды.

       Һәркөнне  укытучылар, техник  хезмәткәрләр, укучылар  в контакте сайты аша һәм  мобиль телефоннар белән  Казан  шәһәре өчен тавыш бирәләр.

   1 октября 2016 года стартовала республиканская природоохранная акция «День посадки леса». Учащиеся нашей школы тоже приняли участие в этой акции. Было посажено 64 штук кустарников и деревьев.
 

           Илебез буенча октябрь аенда  Өлкәннәр  көне уздырыла. Төрле җирләрдә  өлкәннәрне  котлаулар, искә алулар бара. Өлкән  кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Бу айда  гына түгел, ә һәрвакыт без өлкәннәргә игътибар итеп, хөрмәт күрсәтергә, рәхмәтләребезне әйтергә тиешбез.Бүген укытучылар һәм укучылар өлкәннәребезне котлап кулдан ясаган бүләкләрне тапшырдылар.