Кышын кошлар өчен иң куркынычы ачлык һәм суык. Безнең мәктәп укучылары һәрвакыт кошларны үз күзәтүләрендә тоталар, кулларыннан килгәнчә җимлекләрне чистарталар, кошларга азык салып торалар. Әйдәгез бергәләп аларны саклыйк, ярдәм итик, куркытмыйк, рәнҗетмик, җимлекләргә җим салып торыйк!

      Озын каникуллардан соң, 2017 елның беренче уку көне башланды. Иң озын чиректә уңышларыбыз да күбрәк булыр дип ышанабыз. 

     Бүген Гөберчәк авыл китапханәсендә балалар шагыйре Р.Корбанга багышлап "Балалар күңеленә юл - шигырь аша" дип исемләнгән балалар иртәсе үткәрелде. Әлеге чарада мәктәп укучылары да актив катнашты. Китапханәче Зарипова Г.З. балаларны Р.Корбанның тормыш юлы һәм иҗаты белән таныштырды. Укучылар шагыйрьнең шигырьләрен яттан сөйләделәр, табышмакларга җаваплар таптылар. Кичәдән балалар канәгать калды.

        Бүген 9 нчы класс укучылары география фәненнән чираттагы сынап карау имтиханын уздылар.

           5 января в школе среди учащихся 5-7 классов прошли массовые соревнования по лыжным гонкам "Лыжня - 2017" 

         Лыжный спорт – нелёгкая работа.

          А сказать точнее – тяжкий труд.
          Ну а по душе кому, охота
          Заниматься им, тот значит крут.

          Волей, духом тот силён и телом,
          Мужества тому не занимать.
          Труд тяжёлый стать любимым делом
           Может, если радость в нём познать.

       Бүген Гөберчәк авылы клубында Чыршы бәйрәме  булып узды. Бәйрәмдә безнең мәктәп укучылары да катнашты. Балалар уйнадылар, биеделәр, җырладылар, рәхәтләнеп күңел ачтылар. Яңа 2017 елга теләкләр җиткерелде. Балаларны Кыш бабай һәм Кар кызы тәбрикләде, үзләренең изге теләкләрен теләделәр.Укучылар бәйрәмнән шат күңел белән таралышты.

      Көтеп алынган кышкы каникул да әкренләп  үтеп бара. Балалар рәхәтләнеп ял итә. Каникулны  күңелле һәм файдалы итеп үткәрү максатыннан, мәктәбебездә укучылар өчен төрле кызыклы чаралар үткәрелә, спорт мәйданчыгында оештырылган шугалакта балалар тавышы тынып тормый. Менә бүген дә физик тәрбия укытучысы Р.Р.Нәбиуллин җитәкчелегендә "Тимераякта иң оста шуучы" бәйгесе оештырылды.

      Әй күңелле шугалакта,

     Бергәләшеп шуганда.

              Күмәкләшеп уйнау рәхәт,

          Дуслар янда булганда.

       Бүген 9 нчы класс укучылары белем дәрәҗәләрен, әзерлек торышын ачыклау максатыннан татар теленнән белемнәрен тикшерделәр. 

    28 нче декабрь көнне Кенәр балалар иҗаты йортында, профсоюз членнарының шахмат, шашка буенча зона ярышлары булып узды. Ярышта үзебезнең Сикертән мәктәбе командасы да катнашты. Шәмсемөхәмәтова Гөлназ, Нәбиуллин Разил шахмат буенча беренче урын алдылар. Шашка буенча Илнар Хисматуллин икенче, Шаймарданова Алия өченче урында. Укытучыларыбызга финал ярышларында уңышлар телибез.

        Арча муниципаль районы башлыгы Нуриев Илшат Габделфәрт улы катнашында үткәрелгән "Яңа ел тамашасы" нда безнең мәктәптән 9 нчы класс укучысы Әсхадуллина Г. һәм 7 нче класс укучысы Шәймарданова К. катнашты. Бу күңелле искиткеч тамаша укучыларыбызга  бәйрәмгә зур бүләк булды. Бәйрәм ахырында балаларга Кыш бабайдан Яңа ел күчтәнәчләре тапшырылды. Җитәкчеләребезгә зур рәхмәтебезне белдерәбез.