Бүген Тукаевларның музей йортына Татарстан радиосыннан кунаклар килде: радио җитәкчесе Сәгыйтов Тәүфыйкъ Камәретдин улы һәм баш редактор, журналист Акмалов Нәсим Рәшит улы. Алар сөекле Тукаебызның тормыш юлы, Кушлавыч авыл тарихы белән кызыксындылар. Мәктәбебез укучылары Габдулла Тукай шигырьләрен сөйләделәр. Шулай ук укытучылар да чыгыш ясады. Кунакларны Таттелеком оешмасы җитәкчесе урынбасары Гомәров Рөстәм Кәримулла улы озатып йөрде.
    Бу очрашу укучыларның күңелләрендә җылы хатирәләр калдырды.

  Әдәбиятыбыз классигы шагыйрь Фатих Кәримнең тууына 110 еллык уңаеннан Кушлавыч клубында әдәби кичә үткәрелде. Клуб мөдире Хәнәфиева Фәния Нурислам кызы белән китапханә мөдире Фәттахова Рәмзия Габделбәр кызы язучы турында бик куп мәгълүмат әзерләгәннәр. Бай эчтәлекле презентация укучыларга язучы турында күбрәк күзалларга ярдәм итте. Кичә ахырында укучылар белән җанлы әңгәмә үткәрелде.
    Фатих Кәрим 1909 елның 9 гыйнварында Башкортстанның Бишбүләк районы Ает авылында туган. Ямьле Дим буйлары, шау чәчәкле болыннар, балыкка бай елгалар, яшел урманнар Туган илнең гүзәл бер почмагы булып күңеленә кереп кала.
    Кәрим кече яшьтән үк белемгә...

    Дәрестән тыш эшчәнлек вакытында, укучыларның логик фикерләү сәләтен үстерү максатыннан, “Шырпылар ярдәмендә математик башваткычлар” чишәбез. Укучыларыбызга бу башваткычлар бик ошады. Алар берсеннән-берсе уздырып, үзләренең фикерләрен иптәшләре белән уртаклашырга ашыктылар.

    Мәктәбебездә дәрестән тыш эшчәнлек кысаларында төрле чаралар уздырыла. Кичә башлангыч класс укучылары белән "Оста куллар" юнәлеше буенча чәнечкеләрдән матур җилпәзә (веер) ясадылар. Кызлар һәрберсе тырышып, үз фантазияләрен кулланып, бик теләп эшләделәр.

    Кыш килде, салкын урамда.

    Ә без куркып тормыйбыз.

    Чана-чаңгыларны алып,

   Бергәләшеп уйныйбыз.

    Каникулда бергәләшеп ял итүдән дә күңеллесе юк. Укучыларыбыз спортзалда күңелле стартлар белән башланып киткән чарада бик теләп катнаштылар. Урамда кышкы уен төрләре уйнап, ахырдан чаңгы-чана шуып рәхәтләнеп ял иттек...

    Каникул чорында файдалы ял планы буенча бүген 1-4 сыйныф укучылары арасынды шашка уены бәйгесе  оештырылды. Укучыларыбыз әлеге интеллектуаль ярышларда бик теләп катнаштылар.

    Яңа елның озын каникуллары вакытында да белемнәрне актуальләштереп тормый булмый. Бүген 9нчы сыйныфлар белән ОГЭга әзерлек консультацияләре башланып китте.

    Яңа ел! Бу сүзләрне ишетүгә безнең күз алдыбызга хуш исле зифа чыршы, ап-ак кар бөртекләре, җемелдәвек сихри утлар килеп баса.Яңа ел диюгә – уен-көлке, җыр-бию, Кыш бабай, Кар кызы күз алдына килә.
Өр-яңа ел килә, өр-яңа.
Чынлап яңа булсын ул.
Кояш кебек, һәммә кешегә дә
Тигез көлеп торсын ул.
Күз яшьләре онытылып торсын,
Артка чиксен кайгы-борчулар.
Элеккечә утлар янып торсын,
Балкып торсын шулай чыршылар.
    Менә шундый сүзләр белән бәйрәм башланып китте. Укучылар чыгышын килгән кунаклар бик җылы кабул итте. Яңа еллар бәхет-шатлык кына китерсен! 

    Мәктәбебез ишегалды сихри әкият дөньясына күмелде. Һәр иртәне укучыларны төрле төстәге утлар, кыш бабай, кар кызы , әкият геройлары каршы ала. Дәресләрдән соң укучылар бәйрәмгә әзерләнәләр,яңа җырлар, биюләр өйрәнәләр. 

    Республикакүләм "IT-Чемпион" 2018 бәйгесенең беренче этабы тәмам. "Дружный класс" ("Иң дус класс") номинациясендә мәктәбебезнең 3нче классы (җитәкчесе Ибраһимова Р.Ә.) саллы гына баллар җыеп җиңүчеләр исемлегендә. Афәрин, котлыйбыз! Һәрчак шулай актив гражданлык позициясендә булыгыз...