Электронное образование Республики Татарстан

8 сентябрь – Россия халыклары телләре көне уңаеннан Мөслим лицееның 10-11 нче сыйныф укучылары өчен тәрбия сәгате узды. Укучыларга «Россия халыклары телләре» исемле видеоязма тәкъдим ителде. Видеороликны караганнан соң, укучылар үзләренең тәэсирләре белән уртаклаштылар. Чара укучыларда туган телгә, шулай ук Россиядә яшәүче башка халыклар телләренә хөрмәт уятырга, милли үзаңны көчәйтергә юнәлдерелгән иде

Россия Федерациясе халыклары телләре көнен бәйрәм итүгә багышланган чаралар кысаларында, бүген, 8 сентябрьдә, лицей укучылары «Әкият көне» республика акциясенә кушылдылар. 4б сыйныфы укучылары китапханәдә Татарстан халыклары фольклоры дөньясы белән таныштылар. Әдәби салон кысаларында китапханәче һәм туган (татар) теле укытучысы Ситдикова Эльвира Дамир кызы балаларга бөек шагыйрь Габдулла Тукайның тормыш юлы һәм иҗаты турында сөйләде, тематик китап күргәзмәсендә әсәрләренең яңа басмалары белән таныштырды. 

8 нче сентябрь көнне  Мөслим лицеенда  «Россия – Халыклар йорты» Бөтенроссия диктанты узды. Масштаблы мәгърифәтчелек акциясе Россия Федерациясе халыклары телләре көненә багышланган һәм Россия халыклары бердәмлеге елы кысаларында уза. Диктант нигезендә-күренекле авар шагыйре Рәсүл Гамзатов әсәрләреннән өзекләр. Әлеге акциядә 120 укучы, 30 укытучы һәм 20 әти-әни катнашты