Россия Федерациясе халыклары телләре көнен бәйрәм итүгә багышланган чаралар кысаларында, бүген, 8 сентябрьдә, лицей укучылары «Әкият көне» республика акциясенә кушылдылар. 4б сыйныфы укучылары китапханәдә Татарстан халыклары фольклоры дөньясы белән таныштылар. Әдәби салон кысаларында китапханәче һәм туган (татар) теле укытучысы Ситдикова Эльвира Дамир кызы балаларга бөек шагыйрь Габдулла Тукайның тормыш юлы һәм иҗаты турында сөйләде, тематик китап күргәзмәсендә әсәрләренең яңа басмалары белән таныштырды. Заянов Надир сыйныфташларына «Шүрәле» әкиятен укыды. Без күпмилләтле төбәгебезнең мәдәни кодын саклыйбыз!