Бу атнада безнең мәктәптә бары тик рус телендә генә аралашалар.  Шул уңайдан, башлангыч классларның “ Алтынчәч” театр студиясе түгәрәгенә йөрүче укучылары белән русча йөгерек уку күнекмәләрен үстерүгә нигезләнгән тренинг үткәрелде. Укучылар бу тренингта бик теләп катнаштылар, түгәрәк җитәкчесенә рәхмәт хисләре белдерделәр.

            Укытучы...  Нинди бөек  сүз!  Укучыларга белем бирүче кеше, җылы мөнәсәбәткә лаек. Укытучының чиксез тырышлыгы, рухи көче, якты йөрәге бездә гаҗәпләнү хисен уятырга тиеш...

        Укытучы ул - матур, хуш исле гөл.  Һәр көнне гөл, укытучы күңеле кебек, үсә  һәм зурая.  Гөлнең эше күп: җирдән су алып, үзен ашатырга, кояшка омтылып, яктылыкны  йотарга, тәнен  җиргә  биреп,  балаларын  үстерергә тели...  Укытучы да бар  күңелен, көчен, бар вакытын безгә  багышлап, җиребездә яши..

    Әйе, укытучы зур хөрмәткә лаек.  Республика күләмендә “Минем яраткан укытучым” сочинение бәйгесе үткәрелде. Бу бәйгедә 8 нче класс укучысы Идиятов Ядкәр Хәлим  улы (Укытучысы: Нәгыймова Р.Р.) җиңүче булды, диплом һәм премия белән бүләкләнде. Ядкәргә киләчәктә дә иҗади уңышлар телибез!

     Элек-электән үк татар гаиләсендә балаларны иҗади шәхес итеп тәрбияләргә тырышканнар. Барлык хатын – кызлар төрле кул эшләрен белгән, безнең мәктәбебездә дә Шәймарданова Алия җитәкчелегендә даими эшләп килүче “Оста куллар” түгәрәгенә йөрүче балаларыбыз, матурлыкны күрә белергә генә түгел, аны тудыра белергә өйрәнәләр. Ә менә  бүген исә, түгәрәккә йөрүче малайлар һәм кызлар "Серле шарчык" исемле проект эше башкаралар.

    "Яшь журналистлар клубы" түгәрәгендә шөгыльләнүчеләр бүген мәктәптә нәшер ителүче "Яшь буын" газетасының 5 нче санын чыгардылар. Газета битләрен үзләре иҗат иткән шигырь, мәкаләләр белән тулыландырдылар.

     Мәктәптә 28 нче январьдан 28 нче февральгә кадәр хәрби - патриотик тәрбия  бирү айлыгы башланды. Шушы максаттан чыгып, 28 нче гыйнвар көнне мәктәптә барлык укучылар арасында “Аҗаган” уены үткәрелде. Укучылар ике командага бүленеп, девиз, җырлар башкарып бер-берләрен сәламләделәр. ”Яшерен сүзләрне табу”, “Хәрби дәрәҗәләрне санау”, “Чәнечкеле чыбык аша шуышу”, “Төз ату”, “Сазлык аша үтү”, “Каршылыкны җиңү”, “Флаг табу” кебек ярыш төрләре буенча укучылар үзләренең көчләрен сынадылар. Уеннар күңелле һәм мавыктыргыч булды. Укытучылар исә үзләренең чын җанатар икәннәрен раслап, аларга көч биреп тордылар. Уеннар тәмамлангач, командалар буенча йомгак ясалды.”Иң яхшылар” командасы 62 очко туплап җиңү яулады.”Батыр җилкенчәк” командасы 55 очко туплады.

   Учащиеся 3 класса нашей школы Гайфуллин Ильсаф, Хабирова Альфина, Мазитова Галия приняли участие во Всероссийском интеллектуальном конкурсе "Классики 2014-2015" ("Школа юных читателей") и были награждены сертификатами. Желаем им больших успехов и побед в следующих конкурсах и олимпиадах!

    Хезмәт - шатлык һәм сөенеч, бәхет чыгынагы. Хезмәттән тәм табып, аны яратып башкарганда, ул яшәү шатлыгына әйләнә. Кешенең чын матурлыгы, көче, абруе аның хезмәте белән бәяләнә. ТР ның Хезмәт, мәшгульлек һәм социаль яклау министрлыгы ел саен ммәктәп укучылары арасында "Киләчәккә билет"исемле иншалар бәйгесе үткәрә. Бу конкурста безнең укучыларыбызда актив катнашты. "Минем киләчәктәге һөнәрем " номинациясендә 8 класс укучысы Габидуллин Динис ( укытучысы - Нәгыймова Р.Р.) үзенең иншасы белән I урынны яулады һәм грамота белән бүләкләнде. Аны чын күңелдән бу уңышы белән котлыйбыз, укуында зур уңышлар телибез!

      Безнең телебез - матур, күркәм тел. Безнең бурыч - халкыбызды милли аң, милли горурлык уяту, телебезне саклап калу. Тел өчен көрәш - милләт өчен көрәш ул. Бүген мәктәбебездә туган телебезгә багышлап, "Каурый каләм", "Яшь журналистлар" түгәрәгендә шөгыльләнүчеләр тарафыннан әзерләнгән  "Туган телем язмышы безнең кулларда" дигән иҗади  кичә үткәрелде. Кичәнең максаты - укучылар, укытучылар алдында ана теленең бөеклеген, газизлеген күрсәтеп, туган телне ихтирам итү хисе тәрбиләү.

        Иске Кырлай авылында

        Бүген чаңгы ярышы.

        Безнең спортчыларның,

        Трассага барышы.

         Бик тырышып әзерләндек,

         Бүгенге ярышка без.

         Беренчелекне алырга,

         Без һәрвакыт әзербез. 

       Туган тел – тарихның хәзинәсе, рухы, җаны ул.  Аның матурлыгы шагыйрьләр, язучылар өчен генә түгел, барыбызга да кирәк.  Әгәр туган телебезне онытсак, балачагыбыздагы кичергән сөенечләребезне дә онытачакбыз. Ана теле бар кодрәте, матурлыгы, нәфислеге, моңы белән җанга сеңгән һәм, үсә төшкәч, башка телләрнең дә кирәклеген аңларга ярдәм иткән. 

      Әйе, телебезнең язмышы, киләчәге турында  һәр мәктәп укучысы һәм укытучысы уйлана. Шул уңайдан  мәктәбебездә 16 нчы гыйнвардан  22 нче гыйнварга кадәр аралыкта   5 – 8 нче класс укучылары арасында “Туган телем язмышы” дигән темага иншалар бәйгесе  уздырылды.  Бәйгенең җиңүчеләре - 8 нче класстан Идиятов Ядкәр, Сәгыйдуллина Зөһрә, 6 нчы класстан Зиннәтова Гүзәл.  Котлыйбыз! Киләчәктә уңышлар телибез!