8 октябрь конне авылдашыбыз, Татарстанның халык артисты,Муса Җәлил премиясе лауреаты Голзада апа Сафиуллинаның  бик матур юбилей кичәсендә катнаштык.Аңа багышлап балалар матур шигырьләрен сөйләделәр,тәрбияче Гүзәл Наиловна Голзада апаны юбилее белән котлап матур җырын  бүләк итте.

8 сентябрь-Татарстанда әкиятләр көне.Шул уңайдан ,безнең балалар бакчасында да әкиятләр көне үткәрелде.Габдулла Тукай әкиятләрен сәхнәләштердек һәм  әкиятләрне укыдык.

"Чишмә башы"газетасы май аена багышлап чыгарылды.

Бүген - кояшлы җәйнең беренче көнендә, балачакның иң матур бәйрәме – Балаларны яклау көне.Елның кайсы гына вакыты булмасын балачакның һәрбер мизгеле рәхәт тә, татлы да булып истә кала. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк. Балачак иле гел шаулап-гөрләп торсын!

Бүген ,29 май көнне ,безнең Шекә балалар бакчасында чыгарылыш кичәсе булып үтте.Бу үзенә күрә күңелләрдә куанычлы да,моңсу да бәйрәм.Быел безнең балалар бакчасы белән 4 бала хушлашып,тәүге адымнарын атлады.Алда аларны күңелле,шул ук вакытта җаваплы булган тормыш көтә.Бәйрәмгә килгән әти-әниләр балалар бакчасына җылы сүзләрен кызганмадылар,үзләренең рәхмәтләрен җиткерделәр.

Экологик акциянең максаты:елга һәм сулык ярларын чүп-чардан чистарту гына түгел,балаларга һәм аларның әти-әниләренә экологик культура тәрбияләү,җәмәгатьчелекнең игьтибарын экология,табигатькә сакчыл караш мәсьәләләренә юнәлтү.Без балалар һәм хезмәткәрләр белән "Юлчы"чишмәсен тәртипкә китердек Сулыкларыбызны киләчәк буын өчен бергә саклыйк!

14 нче май Россиядә агач утырту көне.Агачлар утырту-изге гамәл дип юкка гына әйтмиләр.Әйләнә-тирәдә күпме генә агач булмасын,яшеллек беркайчан да артык булмый.Табигатьне саклау,аның үсешенә кулдан килгәнчә ярдәм итү-үзебезне,киләчәгебезне,өебезне саклау,дигән сүз.Бакчабыз хезмәткәрләре әлеге акциядә бик теләп катнашты.