Күңелләргә якты нур өләшеп,

  Шатлык өстәп һәрбер йөрәккә.                             

  Үз муллыгы белән көзләр килә,

  Йомгак ясап җәйге хезмәткә.

  Табындагы икмәк, сый нигъмәтне

  Күреп ил картлары шатлана.

  Муллык белән җиргә килә көзләр,

  Көзге муллык кыла тантана.

Сөмбелә бик борынгы заманнардан ук яшәп килә. Бу бәйрәм көзге уңышлар җыеп алынгач, барлык эшләр беткәч билгеләп үтелә.

    Сөмбелә аеның соңгы көне тәүлек эчендә көн белән төннең тигезләшкән чорына туры килгән һәм бу көнне, 15 нче сентябрьдә Сөмбелә бәйрәме үткәрелгән. Бу бәйрәм Нәүрүз бәйрәменең капма-каршы парын тәшкил иткән. Нәүрүз бәйрәме игенчелек чорын башлап җибәрсә, Сөмбелә бәйрәме аны тәмамлап-йомгаклап куйган.

 Чөнки бу вакытта инде урып-җыю эшләре һәм уҗымга сөрү төгәлләнә торган булган, ашлык әвеннәргә, кибән-эскертләргә куелган, сугылганы келәт-амбарларга тутырылган.  28 октябрь көнне мәктәптә уңыш бәйрәме үтте. Бәйрәм өчен 5 нче сыйныфлар " Сөмбеләдә кунакта" дип аталган әдәби- музыкаль композиция әзерләгән иде. Бәйрәм күңелле уеннар , җыр-бию белән дәвам итте.

Егылсак та әле көрәшербез,

Кирәк икән басып- үләрбез.

Тормыш безгә биргән гомер хакын

Без артыгы белән түләрбез.

                                      Рәниф Шәрипов

Татар халкының мәшһүр язучылары Рәниф Шәрипов һәм Рабит Батулла бездә кунакта булып киттеләр.Рәниф Шәриповның үткен сүзле шигырьләре, Рабит  Батулланың тормыштан алынган гыйбрәтле хикәяләре укучылар һәм укытучылар күңелендә тирән тойгылар уятты.

Яшәгез сез, мәңге яшь булып

Туган йортыгызда ямь булып.

Сез булсагыз таза-сәламәт

Оныкларга булыр бик рәхәт.

            Оныкларга терәк булып,

             Яшәгез сез шатлыкта.

             Сәламәтлек , ак бәхетләр

              Юлдаш булсын картлыкта.

 1 нче октябрь көнне авыл мәдәният йортлары Өлкәннәр көнен билгеләп үтте. Бу көнне өлкәннәрне бәйрәм арты табынында кунак иттеләр, укчылар көче белән әзерләнгән концерт программасы белән котладылар. Бәйрәм бик күңелле итеп оештырылган иде. Киләсе елда да күрешү насыйп булсын дип өлкәннәр өйләренә таралышты.

Адреса  ссылок  на сайты под рубрикой

«Противодействие коррупции»

1)Адрес ссылки на сайт «Противодействие коррупции»   Кукморского муниципального района

Көз - ярминкәләр чоры.

2011-2012 нче уку елына мәктәп 1 нче сыйныфка 9 укучы кабул итте.Сыйныф җитәкчеләре Гобәйдуллина Резеда Миннехатип кызы белән бергәләп алар яңа буын стандартлары буенча белем алачаклар.Уңышлар сезгә!

Район админстациясе башлыгы Рахматуллин Рауиль Шәйдәүләт улы, КСХП "Урал" рәисе Хабибрахманов Газинур Хатим улы, директор Хазиев Гомәр Хашим улы тырышлыгы белән яңа мәктәп проекты расланды. ПМК-90 эшчеләре инде төзелеш эшләрен башлап җибәрде. Хәзерге көндә нигез казу эшләре бара. ЯҢА МӘКТӘП БУЛАЧАК!!!

     Туган җирнең һәрбер почмагында

     Каршылыйлар белем бәйрәмен

     Яңгырый сабыйларның шат авазы,

     Кулларында - чәчәк бәйләме.

1 нче сентябрь таңы тантаналы линейкага 161 укчыны җыйды.Шулар арасында бу көнне зарыгып көткән 1 нче сыйныфка килүче 9  укучы да дулкынланып басып торды. Флагны күтәрү 11 нче сыйныф укучылары: уку алдынгысы Губайдуллина Гөлфинә һәм көрәш буенча РФ чемпионы Назмиев Айнурга  тапшырылды. Барлык мәктәп тын калып Татарстан гимнын тыңлады, флаг күтәрелүне күзәтте.  Яңа уку елы башлануын мәктәп директоры Хазиев Гомәр Хашим улы тантаналы рәвештә игълан итте. Аннан сүз килгән кунакларга бирелде. Авылның имамы Миннемулла хәзрәт, җирлек башлыгы Маликов Р.Ф., "Урал" колхозы профсоюз  идарәсе,район админстрациясе исеменнән балаларны яңа уку елы белән котлады, 1 нче сыйныфларга истәлек бүләкләре тапшырылды.Линейка 11 нче сыйныф укучылары көче белән хәзерләнгән театральләштерелгән әдәби-музыкаль композиция белән дәвам итте.Гарапшин Мәгъсүм, Хаммадиев Ирек, Хасанова Илүзә, Гатауллина Зәлинәләр моңлы җырлары белән сокландырса, уккучылар укытучыларына булган якты хисләрне шигырь юллары белән чәчәк букетына төреп бирде.Менә аяз күкне яңгыратып көмеш кыңгырау чыңлады, балалар сыйныф җитәкчеләре белән белем дәресләренә кереп киттеләр.

Яңгырый, тагы яңгырый кыңгырау классларда,
Бугеннән, Белем көненнән уку елын башларга!