Россия тарихына багышланган Ш. Мәрҗәни  исемендәге конференциянең район туры 21 апрельдә Мәчкәрәдә узды. 8 сыйныф укучысы Исмагилова Нурия " Безнең якташларыбыз - районыбыз горурлыгы" секциясендә 1нче урын, 10 сыйныф укучысы Гилмутдинова Гөлия " Мәктәп музейлары" секциясендә 1нче урын яулап дипломнар белән бүләкләнделәр. Аларга алга таба шулай актив булуларын теләп калабыз!

20 апрель конне Кукмарада уздырылган Р. И. Утямышев исемендәге конференциядән Марданова Азалия һәм Гаязова Фирүзә грамота белән кайттылар. Гаязова Фирүзә эзләнү эшендэ иҗади якын килгәне өчен диплом белән дә бүләкләнде.

13 апрельдә мәктәптә " Кошлар коне" үткәрелде. Башлангыч сыйныфлар куйган бәйрәмдә алар шигырьләр сөйләделәр, табышмаклар әйттеләр, матур җырлар башкардылар,  спектакльдән куренеш күрсәттеләр. Ахырдан сыерчык оялары ясаучыларны мактау грамоталары белән бүләкләделәр.

12 апрельдә 6 сыйныфларда " Космическое путешествие " дигән кичә үткәрелде. Кичәдә шигырьләр сөйләделәр, презентацияләр күрсәттеләр. Шулай ук бәйрәм уеннар һәм викторина белән үрелеп барылды.

12 апрель көнне башлангыч сыйныф укучылары тарафыннан " Халыкара балалар китабы көне "  уңаеннан сценарий әзерләнгән иде. Бу кичәнең максаты: китапка мәхәббәт, сакчыл караш, эстетик тәрбия бирү, белем алуда китапның әһәмиятен укучыларга җиткерү иде.

Укучыларның районда үткәрелгән интеллектуаль чемпионатта 3 укучыбыз Хазиахметова Илсинә ( татар теле һәм физкультура), Сабирова Айгәл ( математика), Ибрагимова Гөлназ (физкультура) грамота белән бүләкләнделәр. Аларга алга таба да укуларында уңышлар теләп калабыз!

29 февраль көнне мәктәп спорт залы дәресләрдән соң гөрләп торды. Чөнки монда " Язгы аҗаган " бәйгесе үткәрелде. Һәр сыйныф яхшылап әзерләнгән иде. Бәйге укучыларның маршировкасы белән башланды, һәр отряд үз җырын башкарды. Башлангыч сыйныфлар башкаруында тынычлык турында җыр бәйгегә тагын да ямь өстәде. Турникта тартылу, автомат сүтеп җыю, противогаз кию егетләрнең булганлыгын күрсәтсә, беренче ярдәм күрсәтүче кызлар үзләренең югалып калмауларын исбатлады. 

Халыкара « Русский медвежонок »  конкурсында безнең мәктәптән 16 кеше катнашты.

10 кл-тан Абдуллина Г. район күләмендә I  урын алып, флешка, диплом белән, 7 кл-тан Назмиева А. Һәм 8 кл-тан Ибрагимов Р.   диплом, китап белән буләкләнде. Ә калган 13 укучыга сертификат тапшырылды.

Менә инде 18 нче тапкыр мәктәптә  Фоат Гимадиев призына район күләм көрәш ярышы булып узды. Ярыш спонсорлар ярдәме белән оештырыла. Командалар арасында беренче урын безнең мәктәп егетләрендә.

21 февраль көнне мәктәптә " Туган тел" көне  үткәрелде. 5нче сыйныфтан Таҗетдинов Р. " Ярдәм сорап", 6нчы сыйныфтан Хаҗиәхмәтова И. " Ике дөнья - ике елга", 7нче сыйныфтан Нәҗмиева А. " Ашыгыйк", 9нчы сыйныфтан Халикова Ф. " Бәхет", 10 нчы сыйныфтан Гыйльметдинова Г. " Гомернең моңсу бер чорында" шигырьләрен сөйләде. 5нче сыйныф укучылары Гатина А. һәм Тимергалиева А. үзләренең матур җырларын җырладылар. Бәйрәм "Туган тел" җыры белән тәмамланды.