Студентлар һәм укытучылар командалары арасында хоккей ярышлары узды.

Счет 9:6 , укытучылар командасы җиңде. Афәрин!

Мәктәптә 7-9 класс укучылары өчен "күңелле дискәтүк" булып үтте. Төрле уеннар, кызыклы сораулар белән күңел ачу үрелеп барды.

Бүген башлангыч сыйныф укучылары Югары Кенә тавына чана шуарга менделәр.

5 сыйныф укучыларының эшләре һәркемнең күз алдында. Бу класска Бакый Рахимов һәйкәлен чисталыкта тоту беркетелгән иде. Карлы, буранлы көндә дә, кызлар һәйкәлне кардан чистартып, ялт иттереп куйганнар. Алинә, Әлфинә , Ләлә, Сөмбелләрнең эшләре рәхмәткә лаек.

 “Яшүсмер” айлыгы кысаларында УУП Хуснутдинов Роберт Наиловичның балалар белән очрашуы булып узды. Әңгәмә барышында тәмәке тартулар, наркомания, эчүчелек кебек афәтләргә каршы тора белүләренә, кич урамга чыгу вакытын искә төшерүгә һәм Яңа елда куркынычсызлык һәм  юл йөрү кагыйдәләрен үтәүләренә, шартлаткычлар белән шаярмауларына басым ясады.

Мәктәп күләмендә «Яшел чыршы»  акциясе  булып узды.  Акциянең төп максаты-чыршыларны кисмәскә! Яңа ел, әлбәттә, чыршысыз булмый, әмма чыршы ботакларыннан гына да матур композицияләр  ясап була. Бер көн өчен, ничә еллар үскән чыршыларны кисмик, шәфкатьле, миһербанлы булыйк ! Күңелле бәйрәм көннәре сезгә!

Кыш уртасы булуга карамастан, Кенә төп белем мәктәбендә "урак өсте". Барлык тармаклар буенча: уку-укыту, тәрбия юнәлешләрен тикшерү бара.