Бүген Россия Федерациясе халыклары телләре көнен бәйрәм итү кысаларында безнең балалар бакчасында кызыклы һәм мавыктыргыч— «Әкият көне» узды. Аның төп максаты-балаларны татар теле байлыгына, татар халкының мәдәнияте һәм традицияләренә тарту. Тәрбияләнүчеләребез бөек татар шагыйре Габдулла Тукайның әкиятләре геройларына һәм мотивларына багышланган, татар халкының гореф гадәтләренә, мәдәниятына кагылган станцияләр буйлап сәяхәт иттеләр. Биремнәрне үтәгәндә, балалар әдәби әсәрләр буенча белемнәрен күрсәтеп кенә калмадылар, командада эшләргә дә өйрәнделәр, бер-берсенә ярдәм иттеләр.Чараның ахырында балалар татар халкының төп сыйфаты-кунакчыллык турында күңелле әңгәмәгә җыелдылар, чәй эчү темасына мәкальләр һәм әйтемнәрне искә төшерделәр.