Бүген мәктәптә һәр класста "Дуслык" дәресләре уздырылды. Чын дуслыкның нинди икәнлеген балалар бик теләп сөйләделәр. Дуслык темасына презентация каралды, табышмаклар, мәкальләр искә төшерелде. Дуслык булса, җир шарында тынычлык та була дип, балалар күк йөзенә күгәрчен беркетелгән шарлар очырдылар.

    Студент чак-гаҗәеп бер дөнья,
    Оныта алыр, белмим, кем аны.
    Үзе бер чор, үзе гүзәл бер җыр,
    Студентның яшьлек еллары.
    25 гыйнвар – студентлар көне буларак билгеләп үтелә. Кеше гомеренең иң күңелле чоры – студент елларын кем генә сагынып искә алмый икән? Мөстәкыйль тормышның беренче сабаклары, тәүге һөнәри белемнәргә төшенү, һичшиксез, студент еллары белән бәйле. Өмет-ышанычлар һәм мавыгулар чоры гына түгел, җитди эшләр чоры да әле бу.
    1755 нче елның 25 нче гыйнварында император Елизавета Петровна “Мәскәү университетын ачу” турындагы указга кул куя. Баштарак ул университетка нигез салыну көне буларак билгеләп үтелә. Соңыннан студентлар көне дип атала башлый.
    Мәктәбебезне тәмамлаган, барлык студентларыбызны шушы бәйрәм белән тәбрик итәбез. Һәр студентка ныклы белемнәр алып, дөрес һөнәрләр сайлап, ялгыш юлга тайпылмыйча гына, тормыш юлыннан нык атлап барырга язсын.

    Соңгы көннәрдә табигать шартлары кискен үзгәрү сәбәпле, укучыларга буран вакытында үзеңне ничек тоту кагыйдәләре сөйләнде. Юлларда сак булырга, яр буйларында йөрмәскә, өлкәннәрдән башка ерак юлларга чыкмаска, мәктәпкә барганда һәм кайтканда ялгыз йөрмәскә кирәклеге аңлатылды... Мондый шартларда чана-чаңгы шууның хәтәр булуы турында әйтелде. Әйдәгез, тормышыбызны куркыныч астына куймыйк!

    Мәктәбебезнең 9 нчы сыйныф укучылары "ТИСБИ" идарә университетының фәннәр буенча үткәрелгән интернет олимпиадаларында бик теләп катнаштылар. Әюпова И. рус теле һәм математика, Ахмадуллин И. математика фәненнән белемнәрен сынадылар һәм сертификатларга ия булдылар...

    Прозаик һәм драматург Аяз Мирсәет улы Гыйләҗев 1928 елның 17 январенда Сарман районы Чукмарлы авылында укытучы гаиләсендә туган. Балачагы һәм мәктәп еллары Зәй районының Югары Баграж авылында уза. Шул авыл мәктәбенең тугыз классын һәм Сарман урта мәктәбендә ун класс тәмамлаганнан соң, берникадәр вакыт колхозда эшли. 1948—1950 елларда ул — В.И.Ульянов-Ленин исемендәге Казан дәүләт университеты студенты, ә 1950 елның мартыннан башлап 1955 елның августына кадәр Казакъстанда яши һәм төзелештә ташчы, бетон коючы, бригадир һәм десятник профессияләрен үзләштерә. Аннары, яңадан Казанга кайтып, университетта укуын дәвам иттерә. 1957 елның мартыннан 1961 елның августына кадәр А. Гыйләҗев матбугат эшендә: «Чаян» һәм «Азат хатын» журналлары редакциясендә әдәби хезмәткәр, «Совет әдәбияты» (хәзерге «Казан утлары») журналында проза бүлеге редакторы вазифаларын үти. 1961 нче еллардан Аяз Гыйләҗев, язучы-профессионал сыйфатында, әдәби иҗат эше белән генә шөгыльләнде.
    17 нче гыйнвар көнне прозаик һәм драматург Аяз Мирсәет улы Гыйләҗевка 90 яшь булыр иде. Шушы уңайдан бүген мәктәптә язучының тормыш юлы һәм иҗатына багышланган тәрбия сәгатьләре үтте. Шулай ук укучылар "Җомга көн кич белән" әсәренә нигезләнеп эшләнгән "Бибинур" фильмын да карадылар.

    “Батырлык” төшенчәсен аңлату, cугышның кырыс чынбарлыгын, халкыбызның сугыш кырларындагы батырлыгын, патриотизмын һәм милли горурлыгын күрсәтү, сугыш ветераннарына хөрмәт – ихтирам хисләре, кешелеклелек сыйфатлары, җаваплылык хисе тәрбияләү максатыннан башлангыч сыйныф укучылары белән “Нәрсә ул батырлык?” дигән темага тәрбия сәгате үткәрелде. Сугышчан батырлыклар турында язылган китаплардан күргәзмә оештырдык. Тәрбия сәгатендә аеруча халкыбызның горурлыгы булган батыр кызларының берсе, очучы Мәгубә Сыртланова турында сөйләштек. Аның биографиясе һәм сугышчан юлы белән таныштык. 
    1941 елның июленнән М.Сыртланова Совет армиясендә звено командиры булып санитар авиация отрядында оча. 1942 елның декабреннән ул...

    "Мәрхәмәтлелек үзәге" уздырган "Билет в будущее" ди аталган республикакүләм сочинениеләр һәм рәсемнәр конкурсында безнең укучыларыбыз да актив катнашты. 9нчы сыйныф укучысы Гарипов Мөнирнең рәсеме лауреат дипломы белән бүләкләнсә, шул ук сыйныф укучысы Әюпова Илзирә эчтәлекле сочинениесе белән рәхмәт хаты алды...

    Бүген бөек татар галиме Шиһабетдин Мәрҗани тууына 200 ел.
    Шиһабетдин Мәрҗани ул гомум төрки-татар тарихын, Казан татарлары тарихын бербөтен итеп берләштергән, татар ханнарының югалган исемнәрен иң беренче булып санап чыккан бөек шәхес, мәгърифәтче, тарихчысы, дин әһеле, педагог, археолог, этнограф, көнчыгыш халыклар белгече, энциклопедик галим, реформатор, күпкырлы шәхес.
    Мәктәбебездә буген укучылар белән берлектә Ш.Мәрҗанигә багышланган “Таңыбыз Чулпаны...” дип исемләнгән түгәрәк өстәл уздырылды. Укучылар галимнең киң кырлы шәхес булуын ачтылар, аның мәгърифәт өлкәсендә чыккан хезмәтләрен өйрәнделәр.
    Ш.Мәрҗани иҗатын өйрәнү, аның мирасын дәвам итү безнең төп бурычыбыз булып тора.

    Шимбә, 13нче гыйнвар көнне, Арча районының Яңа Кенәр мәктәбендә милли көрәш буенча Арча муниципаль районы башлыгы призына ярыш оештырылды. Бик күп мәктәпләрдән укучылар төрле авырлыкта көч сынашырга килделәр. Бу бәйгедә безнең мәктәбебез укучылары да актив катнашты.

    Бүген музей, клуб, китапханә, мәктәп һәм балалар бакчасы хезмәткәрләре мәктәбебез укучылары өчен Искечә Яңа ел бәйрәме үткәрделәр. Убырлы белән Шүрәле кызыклы тамаша күрсәтте. Кыш бабай һәм Кар Кызы белән очрашу, күңелле уеннар, чыршы тирәли әйлән-бәйлән балалар күңеленә хуш килде. Һәркемгә бүләк өләшенде. Соңыннан истәлекле фотога төштек.