Яңа Кенәр больницасыннан шәфкать туташлары килде. Балаларга прививка ясадылар.Ак халатлы апалар сәламәтлек сагында торалар. Рәхмәт аларга.

Бала тәрбияләүдә әти-әниләр белән тыгыз элемтәдә тору бик отышлы чара. Әти-әниләр балаларга уңайлы булсын өчен бик теләп булышалар. Аларның куллары алтын. Ниләр генә эшләмиләр алар. Иң кечкенәләрнең икенче төркеме балаларына нинди кызыклы, мавыктыргыч һәм файдалы методик ярдәмлек эшләп бирделәр алар. Балалар бик яратып уйныйлар. Бу тәрбиячеләре Фәттериева Н.С. ның фантазиясе һәм тырышлыгы.

Беренче кечкенәләр төркеме балалары белән Яңа ел бәйрәменә әзерлек башланды. Бик тырышып биюләр, җырлар өйрәнәләр. 

Мәктәп хәзерлек төркемендә математикадан ачык белем бирү эшчәнлеге булды. Тәрбиячеләре Р.И.Муртазина балаларга мөстәкыйль эшләргә күбрәк мөмкинлек бирде.Уен аша белем бирү бик отышлы икәне ачык чагыла.Балалар бик яратып, бирелеп уйнадылар.Уенга мавыгып кушу алуга тигезлеккә гамәлләрне бик тиз чиштеләр.Йөзләрендә елмаю,шатлык. Уңышлар сезгә, балалар! 

Уртанчылар төркеме балалары үзләренең  кисеп ябыштыруга осталыкларын күрсәттеләр. Тәрбиячеләре Л.Н. Фазылзянова кайчы белән сак эш итәргә, төгәл эшләргә өйрәтә аларны. Балалар күңел биреп, тырышып эшлиләр.

Икенче кечкенәләр төркеме балалары рәсем белем бирү эшчәнлегендә.Тәрбиячеләре Р.Р.Хадеева аларны төсләрне танып, матур итеп түгәрәк ясарга күнектерә.Краска белән рәсем ясау бик кызыклы һәм мавыктыргыч. Кечкенәдән эшкә күнеккән куллар киләчәктә дә каушап калмас.

Зурлар төркеме балалары сәламәтлек турында сөйләштеләр. Сәламәтлекне кечкенәдән сакларга, режим белән яшәргә кирәклеген тәрбиячеләре Л.Ф. Хаҗиева гел искәртеп тора. Сәламәтлекнең беренче баскычы саф һава һәм хәрәкәт. Әңгәмәне йомгаклап,хәрәкәтләнеп, уйнап алдылар.

Бүген бакчабызда  иң кадерле кешеләребез - әниләребез көненә багышланган кичә булды. Әниләр турында бик матур җырлар, шигырьләр, әкиятләр яңгырады. Бәйрәм бик эчтәлекле, күңелле булды. Бәйрәмне әзерләгән тәрбиячеләргә, музыка җитәкчесенә,  тырыш балаларга рәхмәтебезне белдерәбез. Киләчәктә зур уңышлар телибез.

Беренче кечкенәләр төркеме балалары тәрбиячеләре Г.Г.Рауфовна белән әниләр бәйрәменә бүләк ясаганнар. Бу кечкенәләребезнең иң зур бүләге. Әниләр өчен баласының үз куллары  белән ясаган бүләктән дә кадерлесе, куанычлысы була алмыйдыр.Нык сәламәтлек, эшегездә зур уңышлар  сезгә, хөрмәтле әниләр!

Бакча күләмендә "Голосок" җыр конкурсы үткәрдек. Район күләмендә оештырылачак конкурска җырчы сандугачны билгеләдек. Конкурста бик күп балалар катнашты. Шулар арасыннан иң-иңнәрен сайладык. Беренче урынны мәктәп хәзерлек төркемендә тәрбияләнүче Сабирова К. яулады. Камиләне җиңүе белән котлыйбыз! Район күләмендә үткәреләчәк  "Голосок"  конкурсында зур уңышларга ирешүен телибез.