Бүген мәктәбебездә өлкән сыйныф укучылары өчен "Көзге бал" бәйрәме үткәрелде.Бәйрәмне 8 нче сыйныфлар һәм сыйныф җитәкчесе Ахметова И.Х. әзерләде һәм үткәрде. Барлык сыйныфлар да ярышларда актив катнаштылар,матур концерт номерлары белән чыгыш ясадылар.Түгәрәк өстәл янында көзге уңыштан авыз иттеләр,бәйрәм дискотека белән тәмамланды.

Бүген башлангыч сыйныфлар өчен күптән көтеп алган "Сөмбелә бәйрәме ",ягъни көз бәйрәме үтте.Бәйрәмне 3 нче сыйныф укучылары алып барды,һәр сыйныф көз бәйрәменә яхшылап әзерләнгән иде. Укучылар көз турында шигырьләр,җырлар өйрәнгәннәр,кыска,кызыклы скетчлар әзерләгәннәр.Бәйрәм мул табын артында,күңелле уеннар уйнап алып барылды.Балалар өйләренә шат күңел белән таралды.

Бүген мәктәбебездә 5-7 нче сыйныфлар катнашында "Авылыбызның экологиясе" дигән сыйныф сәгате үткәрелде.Сыйныф сәгатендә район вәкиле Сәгадәтулла Рахматулла улы катнашты.Ул балаларга табигатькә карата  сакчыл караш,экологик культурага ия булган шәхесләр булып үсүләрен теләде,үзенең киңәшләрен бирде.

Сыйныф сәгатен биология укытучысы Халиуллина Рима Әмир кызы алып барды,укучылар "Җирле үзидарә депутатлары","Җәмәгатьчелек вәкилләре","Экологлар"

төркемнәрендә эшләделәр. Сыйныф сәгате укучылар ясаган посторларны яклау белән тәмамланды.

МБОУ Каракашлинская ООШ принимает активное участие в общенародном голосовании за символ для новых банкнот номиналом в 200 и 2000 рублей. ученики 6-7 классов провели флешмоб "Голосуй за Казань!"

Бүген башлангыч сыйныф укучыларына туган якны өйрәнү музеенда тантаналы рәвештә мәдәни көндәлекләр тапшырылды.Музей хезмәткәрләре,авыл китапханәсе мөдире,мәктәп директоры балаларга уңышлар теләде. Укучыларда көндәлекләр зур кызыксыну уятты.

Бүген 9 нчы сыйныф укучылары  дәресләр биреп үзләрен остазлары урынында хис иттеләр. 

Мәктәбебез район күләм көзге чәчәкләр конкурсында катнашты.

Укытучы,якты кояш кебек,

Күңелемне назлап җылыта.

Авыр чакта ярдәм кулын суза,

Сабыр сүзе белән юата.

 Бүген өлкән сыйныф укучылары үзләренең яраткан укытучыларын хөнәри бәйрәмнәре белән котладылар,матур  теләкләрен җиткерделәр.

Бүген безнең мәктәп коллективы  өлкәннәр көне уңаеннан үткәрелгән район күләм көзге ярминкәдә катнашып мәктәп бакчасында үскән яшелчәләрне уңышлы гына сатуга иреште.

Бүген 2 нче сыйныф укучыларын эзтабарлар сафына,ә 5 нче сыйныф укучыларын варисларга кабул итү бәйрәме булды.Бәйрәмдә укучылар Алмаш балалар оешмасының максатлары белән таныштылар, яхшы эзтабар  һәм варис булу өчен кагыйдәләрне яттан сөйләделәр,иптәшләре һәм дружина каршында тантаналы вәгъдә бирделәр.Бәйрәм  котлаулар белән тәмамланды.