Бүген Россиянең төрле төбәкләрендә яшәүче мәктәп укучылары «Россия —  халыклар йорты» дигән темага диктант язды. Мәктәбебезнең югары сыйныф укучылары да бу акциягә бик теләп кушылдылар. Укучылар үзләренең белемнәрен сынап кына калмадылар, ә илебезнең бай тарихы һәм уникаль мәдәни мирасы турында да яңа мәгълүмат алдылар. 
Диктант нәтиҗәләре буенча иң югары балл җыйган укучылар билгеләп үтеләчәк. Әмма мондый бәйгеләрнең төп казанышы ул -  җиңүчеләр исемлегендә булу түгел. Иң мөһиме — туган телне камил белү, аның нечкәлекләрен тою, сүзләрнең дөрес язылышын истә калдыру һәм рус халкы белән беррәттән, Татарстанда һәм бөтен илдә яшәүче башка халыкларның да рухи байлыгын хөрмәт итү. 

Мондый чаралар буыннар арасындагы бәйләнешне ныгыта, яшь буында ватанпәрвәрлек хисе тәрбияли һәм төрле милләт вәкилләре арасында дустанә мөнәсәбәтләр урнаштырырга ярдәм итә. Укучыларның диктанты ул - туган якка, аның күпмилләтле халкына һәм ана телебезгә булган тирән мәхәббәтнең матур мисалы. Моннан тыш, бу вакыйга республикабызда тел сәясәтенең ничек гамәлгә ашырылуын күрсәтә: дәүләт татар һәм рус телләрен тигез шартларда саклау һәм үстерү өчен шартлар тудыра. Алга таба да мондый акцияләр традициягә әйләнер дип ышанабыз.