4 нче октябрь көнне гимназиядә “ФДБСын гамәлгә кертү шартларында татар теле һәм әдәбият укытуның актуаль проблемалары” дип аталган Республика семинары булып узды. Биредә Татарстанның төрле почмакларыннан килгән кунакларга татар теле һәм татар әдәбиятыннан ачык дәресләр, дәрестән тыш чаралар һәм концерт программасы  күрсәтелде.

           Бөтен дөнья буенча 1 нче октябрь  Өлкәннәр көне     буларак бәйрәм ителә. Казаныбызда әлеге көн уңаеннан күп кенә чаралар оештырылды. Безнең гимназия өлкәннәрне 30 нчы сентябрьдә үк котлый башлады, алар өчен укучылар һәм укытучылар тырышлыгы белән концерт программасы  һәм чәй табыны әзерләнде.

Район куләмендә үткәрелгән җинел атлетика буенча ярышлар

  Бөтенроссия йөгерү көненә багышланган  "Милләтләр Кроссы-2016" чарасы

"Укучының мәдәни көндәлеге" проекты кысаларында гимназиядә бердәм Мәдәният дәресе үткәрелде. Әлеге дәрестә укучыларга мәдәни көндәлекләр бирелде.

16 нчы сентябрьдә, гимназиядә,  укучылар һәм ата-аналарның көче белән 2838 кг макулатура җыелды.

5 -10 сентябрьгә кадәр вакыт аралыгында гимназиядә "Мәрхәмәтлелек атнасы" булып узачак. Әлеге чара Бөтендөнья мәрхәмәтлелек көненә багышланган.

Мәрхәмәтлелек дәресе барлык сыйныфларда да үтте, ә 4 нче «А»сыйныфы укучылары янынаРафинад Ясәвиевич (музыкант(баянчы), композитор, укытучы, җәмәгать эшлеклесе, Россия һәм Татарстан күләмендәге ярышларның лауреаты) килде. Алар аның белән танышып, тормыш юлы, иҗатка ничек килеп эләгүе турындагы кызыклы мәгълүматларны белде.

Рафинад Ясәвиевич укучыларга үзенең концертларыннан өзекләр күрсәтеп, "Җыр агыла", "Яшьлеккә кайту",  кебек язмаларның аудио тасмаларын тыңлатты.

Бүген барлык сыйныфларда да "Бергә яктырак" дәресләре булып узды. Укучылар электр энергиясе төшенчәсе белән танышып, аны саклауга юнәлдерелгән агит- плакатлар ясауда катнаштылар.

Кадерле укучылар, укытуылар һәм ата-аналар!

Сезне чын күңелдән Белем  бәйрәме белән котлыйбыз һәм Яңа уку елына иң изге теләкләрне юллап калабыз!