13 гыйнвар көнне укытучы-тәрбиячеләр белән берлектә мәктәп укучылары өчен «Искечә Яңа ел» бәйрәме үткәрелде, укучылар актив рәвештә төрле конкурсларда катнаштылар, табышмакларга җавап бирделәр,җырлап-биеп күңел ачтылар.

12 гыйнвар көнне мәктәбебездә эшлекле сәфәр белән "Мәгариф", 'Гаилэ һәм мәктәп" матбугаты  журналистлары кунакта булдылар. Кунаклар, интернат мәктәп  эшчәнлеге белэн якыннан таныштылар.

Бала өчен уен-табигый ихтыяҗ, чөнки нәкъ менә уен формасында балалар дөньяны, якын -тирәне таныйлар. Башлангыч сыйныфларда да  белемнәр уен формасында яхшырак үзләштерелә. Психолог белән бергә беренче сыйныф укучылары "Хайваннар сәяхәте"уенын уйнап белемнәрен ныгыттылыр. Уен игътибарлылыкны, танып-белү кызыксынучанлыкны, киң фикерләүне, сөйләмне үстерә. Уен барышында укучылар"сулга", "уңга" төшенчәләрен, йорт һәм кыргый хайваннарның исемнәрен атап, белемнәрен ныгыттылар.

12 гыйнвар көнне мәктәптә өлкән сыйныф укучылары өчен Россия Эчке эшләр министрлыгының Мөслим район бүлегенең өлкән участок уполномоченные, полиция майоры А.В. Фәхразиев белән очрашу узды. Очрашуның максаты: балигъ булмаганнар арасында хокук бозуларны кисәтү, хокукый белемнәрне пропагандалау һәм мөстәкыйль рәвештә җаваплы карар кабул итү күнекмәләрен формалаштыру.
Әңгәмә барышында балаларга «хокук бозу» һәм «җинаять»төшенчәләре, аларның төрләре аңлатылды. Моннан тыш, полиция майоры тәмәке тарту, алкоголь эчемлекләрне куллану  һәм наркотик чараларның зыяны турында да бәян итте.

Татарстан Республикасы Президенты Указы нигезендә 2022 ел цифрлаштыру елы дип игълан ителде. Бүген "цифрлаштыру" төшенчәсе һәм җәмгыять үсешендә цифрлаштыру роле белән таныштыру максатыннан  укучылар белән "Кеше тормышында Цифрлы технологияләр"дигән әңгәмә үткәрелде.

2022 елның 11 гыйнварында мәктәп педагог-психологы Г.Г. Гыйльфанова тарафыннан яшүсмерләрнең суицидаль  тотышын профилактикалау буенча сыйныф җитәкчеләре өчен тренинг үткәрелде.

Гражданнар оборонасы айлыгы кысаларында, укучыларны рәсем сәнгате чаралары белән куркынычсыз тәрбияләү максатыннан, Мөслим районы укучылары арасында «По безопасным дорогам в безопасный мир" дип исемләнгән рәсем конкурсы игълан ителгән иде.
 2 нче сыйныф укучысы Сираев Д. (җитәкчесе-Насифуллина Р. К.), "Мин-үрнәк пассажир" номинациясендә 1 нче урынны яулап уңышка иреште!

В рамках недели " Живи ярко" с детьми на переменах вспомнили, как играли наши бабушки и дедушки, весело поиграли в народные игру "Ручеек". Народные игры способствуют сплочению, развивают дружеские чувства.

Традицияләрен саклап калу , гаилә кыйммәтләрен ныгыту максатыннан 23 декабрьдән 10 гыйнварга кадәр «Яңа ел тәрәзәләре»  Бөтенроссия акция-флешмобына старт бирелде. Бу яңа елда безнең тәрәзәләрне суык кына түгел, ә төсле кәгазьдән киселгән кар бөртекләре дә бизәячәк! Укучылар әти-әниләр белән берлектә әлеге акциядә актив катнашалар.