Беренче квалификацион категорияле тәрбияче Р.Р.Мөхәммәтова, Г.М.Тухбагалиевалар Муса Җәлил исемендәге Минзәлә көллияте базасында оештырылган "Муса Җәлилнең рухи мирасын балаларга белем һәм тәрбия бирү эшчәнлегендә куллану" темасындагы республика  фәнни-практик конференциясендә үзләренең чыгышлары белән катнаштылар. Тәрбиячеләребез балалар бакчасында Муса Җәлилнең иҗатын ничек кулланулары турында видеопрезентация белән чыгыш ясадылар, ә Р.Р.Мөхәммәтованың  М.Җәлилнең "Вәхшәт" шигырен яттан сәнгатьле итеп сөйләве конференциядә катнашкан кешеләрнең күңелендә эзсез калмагандыр.

Зурлар төркемендә "Ватанны саклаучылар" көне уңаеннан бәйрәм иртәсе узды. Бәйрәмгә әти-әниләр, бабайлар һәм балаларның якыннары, туганнары килде. Балалар әтиләрен хөрмәтләп шигырьләр сөйләделәр, җырлар җырладылар һәм бик матур итеп биюләр биеделәр. Этиләр һәм балалар бик күңелле итеп уеннарда катнаштылар. Бәйрәм ахырында балалар үз куллары белән ясаган кул эшләрен әтиләренә бүләк иттеләр.

Бакчабызда уртанчылар, зурлар, мәктәпкә әзерлек төркемнәре балалары белән Мөслимебезнең үзәк китапханәсе мөдире, шагыйрә Лилия Яссир кызы Садриева белән  очрашу кичәсе узды. Балалар Лилия Садриеваның иҗатыннан "Сыерчык бураннары", "Изге җирем" кебек шигырьләрен яттан сәнгатьле итеп сөйләделәр, җырлар җырладылар, "Танец кукол" биюен биеделәр. Лилия Садриева балаларга китапханә, аның эшчәнлеге турында мәгълүмәтләр җиткерде, үзе белән алып килгән балалар өчен чыгарылган китаплар белән таныштырды.  Балаларга үзенең шигырьләр иҗат үтүе турында сөйләп, берничә шигырен укып китте. Лилия апаларына истәлеккә балалар үз куллары белән ясаган кул эшләрен тапшырдылар.

Республика күләмендә уза торган "Ел тәрбиячесе-2015" бәйгесенең муниципаль турында беренче квалификацион категорияле тәрбиячебез Бохарова Резида җиңү яулап беренче урынга чыкты. Резиданы чын күңелдән бу зур җиңүе белән тәбрик итәбез һәм зона буенча Җәлил эшчеләр поселыгында узачак бәйгедә катнашып җиңү яулавын теләп калабыз. Уңышлар сиңа, Резеда!

Мөслим үзәге "Карлыгач" балалар бакчасы үзәгендә "Ел тәрбиячесе - 2015" республика бәйгесенең беренче туры узды. Анда жюри әгъзалары алдында район буенча унбер педагог үзләренең электрон иҗат лабораторияләрен якладылар, балалар белән белем бирү эшчәнлеге күрсәттеләр. "Кояшкай" балалар бакчасы коллективыннан беренче квалификацион категорияле тәрбияче Р.З.Бохарова, тәрбиячеләр Г.Ш.Тухбагалиева һәм Р.М.Габдулхаковалар уңышлы гына чыгыш ясадылар.

"Кояшкай" балалар бакчасы базасында "Ел тәрбиячесе - 2015" республика бәйгесенең муниципаль туры узды. Педагоглар жюри әгъзаләре каршында үзләрен электрон иҗат лабораторияләрен якладылар һәм балалар белән белем бирү эшчәнлеге күрсәттеләр. 

Районыбызда барлык спорт төрләре буенча Спортакиада бара. Мөслим үзәгендәге "Нептун" йөзү бассейнында  узган ярышларда катнашып "Кояшкай"лылар ГТО нормаларын  "алтын" га тапшырдылар. Район күләмендә узган "Лыжня Татарстана-2015"  спорт бәйрәмендә коллективыбыз актив катнашты.

"Йолдызлык" бәйгесенең икенче турына кызлар һәм малайлар башкаруында "Танец кукол", "Конферанс" номинациясендә Хабибуллина Диана һәм Мадъяров Әмирҗан, кызлар вокаль ансамбле башкаруында "Үсәсем килә минем" җыры үттеләр.  

Район мәдәният йортында "Йолдызлык-2015" бәйгесенең беренче туры үтте. Бәйгедә "Конферанс" номинациясендә мәктәпкә әзерлек төркеменнән Хабибуллина Динә, Мадъяров Әмирҗан катнаштылар.Кызлар вокаль ансамбле "Үсәсем килә минем",  малайлар вокаль ансамбле "Татарстан улы мин" җырлары белән чыгыш ясадылар.Кызлар һәм малайлар бию ансамбле "Танец кукол" биюен башкардылар. Шулай ук Давлетшин Раиль "Көчегем",  Әхмәтҗанова Ләйсән, Хантимерова Зөләйха "Күңелле сәяхәт" җырлары белән чыгыш ясадылар. Барлык номерлар да 3 февральда көнне узасы бәйгенең икенче турына уздылар.