5-6 сыйныф укучылары Венера апа Шакиряновага шефлыкка бардылар.Җитәкчеләре Фаррахова Р.Г., Мөбәрәкова Д.Ф.

7-8 нче сыйныфларда "Мөслим егете.Мөслим кызы" проекты кысаларында "Олимпия талисманнары" темасына тәрбия сәгате үтте. Укучылар талисман тарихы турында видеофильм  карадылар, уеннар уйнадылар.

Хәрби патриотик айлык кысаларында үзенең Ватан алдында хәрби бурычын үтәп кайткан авылыбыз егете, мәктәбебез укучысы Вәлиев Айрат белән очрашу булды. Айрат укучыларны үзенең солдат тормышы белән таныштырды. Чарада мәктәп директорыбыз Илдар Мәгъфүрҗанович та үзенең хәрби хезмәттәге истәлекләре белән уртаклашты.Укучылар үзләрен кызыксындырган сорауларга җавап алдылар. 

6 нчы сыйныфта ата-аналар җыелышы үтте. Әниләр рус теленнән ачык дәрес карадылар. Класс җитәкчесе Мөбәрәкова Д.Ф. "Тәрбия бирүдә әти-әниләрнең роле" дигән темага чыгыш ясады. Әниләр анкета сорауларына җавап бирделәр. "Балам тәрбияле булсын өчен мин нәрсә эшли алам?" дигән сорауга бергәләп җавап эзләделәр. Фән укытучылары балаларның белем дәрәҗәсе турында чыгышлар ясады.

"Мөслим егете. Мөслим кызы" проекты кысаларында 9 нчы сыйныфта "Сәламәтлек-иң зур байлык" темасына тәрбия сәгате үтте. Укучылар төркемнәрдә сәламәт яшәү рәвеше кагыйдәләре буенча проект эшләделәр. Сыйныф җитәкчесе Бәдретдинова Г.М.

"Мөслим кызы, Мөслим егете" проекты кысаларында  2,4 сыйныф укучылары "Татар халкының милли бәйрәмнәре" дигән темага сөйләштеләр. Үзләре яраткан бәйрәмнәргә карата рәсем ясадылар.

Укучылар "Йолдызлык" фестиваленең зона этабында уңышлы чыгыш ясап, муниципаль этапка үттеләр. Җитәкчеләре Бәдретдинова Г.М., Мөбәрәкова Д.Ф. Уңышлар телибез!

В рамках месячника Военно- патриотического воспитания прошел еженедельный Час маршировки.

2,4  сыйныф укучылары белән "Төрле тарихи чорларның Ватан геройлары" дигән темага мөһим сөйләшүләр үткәрелде. Укучылар төрле чордагы геройлар белән таныштылар, районыбыздагы Бөек Ватан сугышы геройларын искә төшерделәр. Әфган сугышында катнашкан авылыбыз батырлары турында сөйләштеләр.Сыйныф җитәкчесе Мөхәмәдиева А.Ф.