Мәктәбебез участогы бик зууур безнең. Нинди генә культура үсми анда. Әмма төп игътибарны әлбәттә бәрәңгегә бирәбез. Аны без күп итеп утыртабыз. Бәрәңге үстерү катлаулы эш булса да, безнең укытучылар сынатмыйлар. Менә бүген дә пыр туздырып икенче кат чүбен утап чыктык. 

Коллективыбыз 35 градуслы эсседә дә тик ятмый. Кыш өчен  терлекләргә азык әзерлибез- яфраказык җыябыз. Чираттагысына бүген бардык. Тиешле норманың яртысын диярлек үтәдек. Җыелган азыкны "Гөбнә" агрофирмасының Иске Чәчкаб филиалына тапшырдык. 

Бүген "Чишмәкәй"дә тәрбияләнүче балалар өчен "Һәрвакыт әзер бул" конкурсы оештырылды.  Әлеге бәйге 7 этаптан торды: "Китап докторы", "Хәрби доктор", "Ребуслар утравы", "Яшь кулинар", "Нәни чәчтараш", "Нәни кулинар", "Музыкаль эрудит". Әлеге конкурста "Дуслык" командасы җиңеп чыкты. Бүген шулай ук ташландык материалларда подделкалар ясау конкурсы үткәрелде. Әлеге конкурста "Йолдызкай" отряды җиңү яулады. Әлеге чараларның һәркайсын Хисамова Резедә Мансур кызы оештырды.

Бүген лагерьдә 22 июнь -Бөек Ватан сугышы башланган көн билгеләп үтелде. Линейкада 1 минутлык тынлык игълан  ителде. Аннан соң укучылар һәйкәлгә һәм сугыш ветераны Хәмидуллин Газулла абый янына очрашуга бардылар.

Лагерьдә төрле түгәрәкләр эшли. Шуларның берсе -"Оста куллар" түгәрәге. Түгәрәк җитәкчесе Булатова Гөлия Алкин кызы белән укучылар оригами сәнгатенә төшенәләр, төрле фигуралар ясыйлар.

Безнең "Чишмәкәй" җәйге сәламәтләндерү лагерендә һәркөнне бер чара планлаштырылган. Балалар әлеге чараларга бик теләп әзерләнәләр һәм җаваплы карыйлар. Бүген бездә "Яфрак бәйрәме" узды. Әлеге чараны тәрбияче Галиуллина Алия Салихҗан кызы оештырды.

Бүген 9 нчы сыйныф укучылары соңгы имтиханнарын - татар теленнән ДЙА тапшырдылар. Сынаулар инде артта калды, әмма имтихан нәтиҗәләрен көтү  дә бик дулкынландыра. 

Бу Америка кунагын, кем алып кайткан икән? Бигрәк әрсез инде үзе. Юл кырыйларын да басып бетергән. Тырышып-тырышып кунак түгел, ә хуҗа булырга тели. Ә юк, хуҗа булмый тор әле, безнең директор моңа юл куймас!

Укучыларыбыз каникулда дип бакчада чүп үсми тормый. Ләкин укучыларыбыз да чүпкә үсәргә ирек бирми- җәйге практикаларын үтиләр. 7 нче сыйныфлар үзләренең эшләрен тәмамладылар, чиратта 6 сыйныф укучылары. Алар 17 июньгә кадәр мәктәп бакчасында хезмәт куялар. 

Ямьле җәй җитүгә укытучыларның күбесе җәйге ялга китә. Ләкин, юл кырыйлары чүпкә баткан вакытта тынгысыз күңелле укытучыларыбыз өйдә ята аламы соң? Әлбәттә юк! Менә тагын юл буйлары үзенә дәште, без үзебезнең участокны чистартып кайттык.