Иртәнге линейкада мәктәп директоры Котдусов Г.Х. укучыларның иминлеге турында сөйләде. Юл йөрү кагыйдәләре, боз өстенә кермәү буенча инструктаж үткәрелде. 

Хокук айлыгы кысаларында эчке эшләр бүлегеннән Низамиева Л.Ф. укучылар белән очрашу үткәрде. Укучыларга кагыйдәләр аңлатылды. 

КЭС-баскет ярышының муниципаль этабы үтте. Бу ярышның зона этапларында кызлар һәм егетләр командалары төп мәктәпләр арасында 1 нче урын яуладылар. 2 командабыз да финал ярышларында катнашты. Кызлар командасы финал ярышында 2 урынны яулады. Ганиева Хәния "Иң яхшы  уенчы" булып таныллды. 

7 нче ноябрь көнне Ситдикова Э.И. 4 һәм 5 класс укучылары өчен һөнәрләр белән таныштыру, аларга  мәхәббәт уяту максатыннан кул эшләре остасы Хәсәншин Госман абый белән очрашу үткәрде. Госман абый укучыларны үзенең эшләре белән таныштырды, аларда бу хезмәткә кызыксындыру уятты. 

Көзге каникул вакытында олимпиадаларга әзерлек барды. 

28 нче ноябрь көнне "Көзге бал" булды. Бәйрәм уеннар, классларның чыгышлары белән аралашып барды. 

26 нчы октябрь көнне мәктәптә район мәгариф бүлегенең психологлары эшләде. Алар 1 һәм 8 класс укучылары белән тренинг үткәрделәр. 

27 нче октябрь көнне мәктәптә "Сөмбелә" бәйрәме үтте. Аны Галипова Г.Т. 3 класс укучылары белән үткәрде. 

Кораблик программасы буенча тренинг үтте.