Мәктәптә  - "Әти, әни һәм мин - спорт гаиләсе" дигән спорт бәйрәме уздырылды.

    22 нче декабрь көнне Нөнәгәрдә Кәшифә Тумашевага 110 яшь тулу уңаеннан "Сәнгатьтә райондашларыбызның җуелмас эзләре" темасына узган I региональ фәнни-практик конференциядә катнашып, VIII сыйныф укучысы Сөнгатуллина Инзилә III дәрәҗә диплом белән бүләкләнде. (Җитәкчесе: Әхмәтова Раилә Тимербаевна)

   Күптән түгел мәктәптә районның танылган спортчылары белән очрашу булып узган иде. Данлыклы көрәшче Айдар Хәйретдинов, татарча көрәш белән кызыксынган башлангыч сыйныф укучысы Нигъматуллин Илназга тимераяк бүләк итте.

    Мәктәптә Яңа елга әзерлек эшләре бара: кар сыннары ясала, газеталар чыгарыла, мәктәп бизәлә, бәйрәм программасы әзерләнә.

   14 нче декабрьдә мәктәпнең V - IX сыйныф укучылары өчен полиция хезмәткәрләре белән очрашу үткәрелде.

    Укучылар алдында, Балтач районының балигъ булмаган балалар белән эшләү бүлеге инспекторы, полиция капитаны Назипова Ләйсән Газинуровна, үзенең чыгышында Татарстан Республикасының 71 нче Законын кабат искә төшереп узды, укучыларның сорауларына җавап бирде.

    Шулай ук укучылар каршында участок инспекторы,полиция капитаны Хуснутдинов Роберт Наилевич чыгыш ясады. Ул үзенең чыгышында Яңа ел бәйрәмен каршылаганда техника куркынычсызлыгы һәм юл йөрү кагыйдәләрен үтәргә кирәклеген кисәтте, автомобильдә йөрү буенча куркынычсызлык кагыйдәләрен үтәүне һәм саклау каешларын тагуны таләп итте, кышкы каникул чорында юл йөрү һәм техника куркынычсызлыгы кагыйдәләрен үтәргә тиешлекне аңлатты.

   Мәктәпнең гомуми ата-аналар җыелышында, беренче көн тәртибе буенча, Балтач районы Үзәк шифаһанәсенең дәвалау эшләре буенча баш врачының урынбасары, балалар неврологы Ильясова Сәвия Фәрвазовна "Аралашу гармониясе - балаларның психик сәламәтлегенең нигезе" дигән темага чыгыш ясады.

   Икенче көн тәртибе буенча, Балтач районының балигъ булмаган балалар белән эшләү бүлеге инспекторы, полиция капитаны Назипова Ләйсән Газинуровна "Балалар арасында җинаятьчелекне кисәтү" дигән темага чыгыш ясады.

    5 нче сыйныф укучылары кышын да һәйкәл тирәсен һәрвакыт тәртиптә тоталар.

      Тәртип саклаучы яшьләр оешмасы "Форпост"ның, 6 нчы декабрь көнне Казанда  VII Слеты булып узды. Бу чарага безнең мәктәптән VIII сыйныф укучысы Низамиев Динар чакырулы иде. Ул грамота һәм чаңгы белән бүләкләнде.

   Бүген "Сәламәтек театры"ның мәктәп турын  V, VIII һәм IX сыйныф укучылары дәвам итте.

      Бүген VI-VII сыйныф укучылары "Сәламәтлек театры" конкурсының мәктәп турын дәвам иттеләр. Алар "Универсиада-2013" темасы кысаларында "Сәламәтлек аланында" спектакле белән чыгыш ясадылар һәм йомгаклап:

 - Һәммәгез дә безнең,

   Теләктән уңыгыз:

   Сәламәт булыгыз! - дигән теләкләрен җиткерделәр.