10-11 нче октябрьдә Минзәлә шәһәрендә уздырылган 1999-2000 нче елгы кызлар арасында Республика беренчелеге өчен волейбол ярышларында безнең мәктәп кызлары командасы уңышлы чыгыш ясады.

     "Мөстәкыйль балалар" тарафыннан уздырылган "Сәламәт йөгерү" акциясе бик оешкан төстә үтеп китте. "Мөстәкыйль балалар" төркеме старт һәм финиш урыннарын билгеләп, юлда очраган кешеләр белән бергәләп йөгереп уздылар, сәламәт яшәү рәвешенә карата шигырьләр сөйләделәр, буклетлар тараттылар. Гомумән, бу акция укучыларда уңай тәэсирләр калдырды.

     Мәктәбебездә "Без тормышны сайлыйбыз айлыгы" төгәлләнде. Күп төрле чаралар, очрашулар, әти-әниләр җыелышлары, "Түгәрәк өстәл", рәсем һәм сочинение конкурслары оештырылды. Айлыкка йомгак ясалды.

   Бүген башлангыч сыйныф укучыларының әби-бабайлары өчен "Аулак өй" фольклор кичәсе  узды.

    Әби-бабайларыбызны сыйлыйбыз.

     Бүген мәктәптә укытучыларның педагогик киңәшмәсе үтте. Киңәшмәдә безнең мәктәпнең кураторы Асхатдинова Гөлнара Мөхәммәтовна да катнашты.

      "Укытучыңны котла!" акциясе кысаларында мәктәпнең үзидарәсе укучылары укытучылар өчен бәйрәм чарасы үткәрделәр.

Бүген илдә нинди бәйрәм,

Нинди хозур, тантана?

Кояш көлә, кошлар сайрый,

Бөтен дөнья шатлана.

        Һәр тарафта - чәчәк кочкан

        Шат балалар төркеме:

        - Котлы булсын изге бәйрәм -

        Укытучылар көне!

    Кенә авылы шәфкать туташы Мотыйгуллина Рания Мидхәтовна укучылар белән "Гриппка каршы профилактика чаралары" дигән темага әңгәмә үткәрде.

   Һәр иртәдә мәктәбебезнең барлык укучысы бердәм рәвештә иртәнге зарядка ясый.