Яңгул урта мәктәбенең балалар хокукын яклау буенча җәмәгать ярдәмчесе Ләйлә Мөбәрәкова үзенең эшен мәктәптән читтә дә алып бара башлады. Ул бүген районның мәктәптән тыш эшләр үзәгендә булды, анда Резеда Саляховна һәм Әлфия Илгизовналар белән очрашты. Алар белән киләчәккә үзенең эшен планлаштырды. Остазлар аңа үзләренең киңәшләрен бирделәр һәм эшендә уңышлар теләделәр. Ул шулай ук районның балар хокукын яклау буенча эшләүче вәкиле Ахмадиева Гөлнара Айдаровна белән дә очрашты, ул да Ләйләгә үзенең киңәшләрен бирде.

“Наркотикларсыз тормыш” акциясе кысаларында, 9-11 сыйныф укучылары өчен “Үз  тормышыңны җимермә!” темасына чара уздырылды. Укучылар наркотиклар куллануның аянычлы нәтиҗәләре күрсәтелгән презентация карадылар, бу афәттән саклану кагыйдәләре белән таныштылар. 

Мәктәбебездән Сәләхетдинова Эльвина һәм Эльвира, Валиев Рәсим, Сафиуллина Лилияләр район күләмендә уздырылган Римма Ибрагимова исемендәге “Талантларны барлар чак” дип исемләнгән конкурста-фестивальдә катнаштылар. Алар әлеге конкурста уңышлы чыгыш ясап сертификатларга ия булдылар.

11 сыйныф укучылары  рус теленнән йомгаклау иншасы яздылар.

10 сыйныф укучысы Мубаракова Ләйлә 1-4 сыйныф укучыларын әлеге проект белән таныштырды һәм “Синең хокукларың һәм бурычларың” дигән темага уен-дәрес уздырды. Ул  мультфильмнар аша укучыларга үзләренең хокукларын аңлатты, шулай ук бурычларын да искә төшерде.

Мәктәп күләмендә “Боз өстендә үзеңне сак тот”! дигән темага рәсем конкурсы уздырылды. Әлеге конкурста 1-4 сыйныф укучылары актив катнашты. Иң яхшы дип табылган рәсемнәр район күләмендә узучы конкурска җибәрелде. Әлеге конкурста катнашкан укучыларга мәктәп грамоталары тапшырылды.

Бүген 4, 6, 8 сыйныф укучылары инглиз теленнән мониторинг эшләделәр.                                 

5-11 сыйныф укучыларының әниләре өчен «Ана - бөек исем...»  дип исемләнгән бәйрәм кичәсе уздырылды. Укучылар көче белән әзерләнгән тирән эчтәлекле бәйрәм концерты әниләрнең күңеленә хуш килде. Шулай ук укучыларның әниләре турында ясалган буклетлардан күргәзмә оештырылды.

Тарих атналыгы кысаларында 8 сыйныфларда Гөлчәчәчәк Илфаковна тарихтан ачык дәрес күрсәтте. Дәрескә әти-әниләр һәм укытучылар чакырылды.

Мәктәбебездә әниләр көненә багышланган бәйрәм чаралары башланып китте. Бүген 1-4 сыйныф укучыларының әниләре мәктәпкә кунакка килделәр. Аларга укучылар көче белән зур концер күрсәтелде, чәй табыны әзерләнде.