Мәктәп күләмендә традицион аҗаган уены узды. Әлеге көн мәктәптә чын бәйрәм төсе алды. Иртәдән үк мәш килеп ярышларга әзерләнгән укучыларга карап укытучылар да үзләренең мәктәп елларын искә алдылар. Аҗаган  строевой җыр конкурсы белән башланып китте. Аннары уенның иң күңелле моменты, серле пакет эзләү башланды. Һәр сыйныф махсус карта буенча хәрәкәт итеп яшерелгән пакетны табып, анда язылган биремне үтәргә ашыкты. Укучыларыбыз беренче медицина ярдәме күрсәтү, противогаз кию, пожар куркынычсызлыгы, интеллектуаль ярыш, отжимание ясау, граната ату кебек ярышларны да уңышлы уздылар. Уен ахырында урыннар билгеләнде, җиңүчеләргә мәктәп грамоталары тапшырылды.

2001-2002 нче яшүсмерләр арасында Татарстан  күләмендә "Сабантуй" газетасы призына татарча көрәш бәйгесе узды. Әлеге ярышта районыбыз командасы катнашты. Команда составында мәктәбебез укучысы Хабибуллин Руфил дә бар иде. Бу ярышта ул матур көрәш үрнәкләре күрсәтеп беренче урынны яулады. Молодец!

Спорт һәм оборона-масса айлыгы кысаларында укучыларыбыз авылыбыз һәйкәлләренә рейд уздырдылар. Рейд барышында Советлар Союзы Герое Габдулла Гарифуллин һәйкәле кардан чистартылды.

9-11 сыйныф укучылары өчен "Ягез әле, егетләр!" дип исемләнгән кичә уздырылды. Кичәдә 2 команда ярышты. Ярышлар арасында кызларыбыз бик матур концерт номерлары күрсәттеләр, ахырдан бәйрәм дискәтүге оештырылды

Мәктәбебездә хоккей мәйданчыгы беркайчан да тынып тормый. Укучыларыбыз бик тырышып хоккей уйнау серләренә төшенәләр. Бүген хоккей сөюче укучылар командасы Карадуган авылында ярышта булып кайттылар. Алар бик матур уен күрсәттеләр һәм 4 урынны яуладылар. Аларның әле беренче тапкыр район күләмендә хоккей ярышында катнашулары. Киләчәктә алар тагын да зурырак уңышларга ирешерләр дип ышанып калабыз.

3 - 4 сыйныф укучылары өчен район күләмендә математика һәм рус теленнән олимпиадалар уздырылды.Әлеге олимпиадаларда мәктәбебездән Валиева Н., Николаева А һәм Мингазов И. ләр катнашты.

9 сыйныф укучыларының әти-әниләре өчен ОГЭга әзерлек мәсьәләләре буенча җыелыш уздырылды. Җыелышта әти-әниләр мәктәп һәм район күләмендә узган сынау имтиханнарының нәтиҗәләре белән таныштырылды, алга таба эшне планлаштыру буенча фикер алышулар булды.

Бүген 9 сыйныф укучылары,ОГЭга әзерлек максатыннан, математикадан мәктәп күләмендә сынау имтиханы эшләделәр.

Мәктәбебез укучылары һәм укытучылары район, республика күләмендә конкурсларда катнашалар һәм призлы урыннар да яулыйлар.

ФОРПОСТ отрядлары арасында, Г.А.Сидоров истәлегенә, район күләмендә ярыш уздырылды. Әлеге ярышта форпост членнары үзләрен физик яктан сынадылар. Ярышта мәктәбебез командасы уңышлы чыгыш ясады һәм шәхси беренчелектә Ризванов Инсаф һәм Фәләхетдинова Диләрәләр призлы урыннарга лаек булдылар.