Бүген, 26нчы август көнне, безнең 2нче номерлы балалар бакчасында бик матур чара булып узды. Бакчага кунакка Татарстан Республикасының биологик ресурслар комитетыннан Васильев Ильнар Уралович һәм Фатыйхова Илфинә Илфатовналар килделәр. Алар балаларны табигый байлыклар, бүгенге көндәге табигать белән бәйле үзгәрешләр, яңалыклар белән таныштырдылар. Шулай ук Балтач районының яңа Кызыл Китабы белән дә таныштырдылар. Ни өчен бу китапның төсе кызыл икәнен аңлатып үттеләр. Бу китапка кергән кошлар, үсемлекләр, бөҗәкләр һәм җәнлекләрне сакларга кирәклеген, табигатьнең чисталыгы бары үзебездән генә торуын ассызыклап әйттеләр. Балалар да килгән кунакларның сорауларына төгәл җаваплар биреп, бик игьтибар белән тынлап утырдылар. Шулай ук табигатькә чыккач, урманга баргач үз-үзеңне ничек тоту кагыйдәләре дә искә төшерелде. Ә без үз чиратыбызда балаларыбызның чын табигать сакчылары булырлар дигән өметтә калабыз.