“Нептун көне” бүген бездә,

Бәйрәм рухы күңелдә.

Кызык бәйгеләр үткәрдек,

Көн үткән сизелми дә.

      Бүген лагерьда “Нептун көне”. Нептун бабай үзе килде кунакка! Шешәдән су сиптереп, “диңгез патшалыгы”нда булган суүсемнәр, су астында яшәүче хайваннарны сурәтләдек. Искиткеч рәсемнәр килеп чыкты. Бәйге, тамашалар һәркемгә ошады.

            Г.Тукай әсәрләрен  балалар бик яраталар. Шагыйрь иҗаты буенча кызыклы мультфильмнар карау, викторина үткәрү, асфальтка әкиятләр буенча рәсем ясау бик отышлы булды.Звенолар үзара ярышты,  җитезлегебезне, кыюлыгыбызны да сынадык.  Бер генә кеше дә читтә калмады, һәркем үз командасы өчен очко китерергә тырышты. Соңгы нәтиҗә куанычлы: дуслык җиңде!

Көчлеләр без, кыюлар без!

Сынатмый беребез дә.

 Фотоларга күз салгач,

Күрәсез үзегез дә.

     Яңгырлы көн булуга карамастан, лагерьның җанлы тормышы үз тәртибе белән бара. Иртәнге зарядка, линейкадан соң, шәхси гигиенаны саклау буенча әңгәмә үткәрелде. А.С.Пушкин иҗаты буенча “Могҗизалар кыры” дигән уен-ярыш күңелләргә аеруча хуш килде. Балалар дәресләрдә алган белемнәр белән генә чикләнмичә, дәрестән тыш вакытларда әдәби китаплар укуларын, бу язучы иҗаты буенча кызыклы мультфильмнар карауларын, иҗат белән кызыксынуларын күрсәттеләр. Аннары А.С.Пушкин әкиятләре буенча рәсем конкурсы үткәрелде, җиңүчеләр билгеләнде.

     Лагеребызда кызу эш көннәре дәвам итә. Укучылар бүген "Табигатьне саклау - безнең бурыч!" дигән девиз астында үткән рәсем конкурсында катнаштылар, табигатьтә килеп чыккан могҗизалы әйберләр алып килделәр, Кызыл китапка кертелгән хайваннар һәм үсемлекләр турында фильм карадылар, саф һавада төрле уеннар уйнадылар, сәламәтлекләрен ныгыттылар. 

Лагерьда бүген күңелле,

Юындыр килгән безгә.

Сорау арты сорау биреп,

Имтихан алды бездән.

Сәламәтлекнең нигезе -

Чисталыкта, беләбез.

Шуңа Юындыр белән,

Гел дус булып киләбез.

Ул безгә кунакка килә,

Юындыра, чистарта.

Һәрбер бала шуңа күрә

Чисталыкны ярата.

             Бүгенге, җәйге лагерь ачылу тантанасы, һәр баланың күңелендә онытылмаслык булып истә калыр. Балалар бу көнгә бигрәк тә зур әзерлек белән килделәр. Бәйрәм сәхнәләштерүләр, рольле уеннар, сәнгатьле сөйләм, җырлар, дәртле биюләр, тантаналы вәгъдәләр белән үрелеп барды. Балалар оста артист та, тәртипле тамашачы да булдылар. Алда аларны тагын да кызыклырак, маҗаралы һәм җаваплы көннәр көтә.

        “Дуслык” лагере үз эшчәнлеген дәвам итә. Бүгенге көнебез “Кояш, Һава, Су – безнең дусларыбыз” – девизы астында үтә. Балалар рәхәтләнеп саф һавада хәрәкәтле уеннар уйнап, сәламәтлекләрен ныгыттылар. Лагерь ачылу тантанасына әзерлек тулы көченә бара. Җырлар, биюләр өйрәнү, скетчлар, әкиятләр сәхнәләштерү – барысы да балаларның кызыксынуларын исәпкә алып оештырыла.

       Бүген Сеҗе янгын сүндерү бүлекчәсе хезмәткәрләре өйрәнү эвакуция үткәрделәр. Лагерь вакытында бу саклану чарасы да бик кирәк.

           Бүген Г.Камал исемендәге Сикертән төп гомуми белем мәктәбе базасында мәктәп яны ял лагере эшли башлады. Анда 1 нче июньнән 21 нче июньгә кадәр барлыгы 15 башлангыч класс укучысы ял итәчәк. Лагерьнең беренче көне халыкара балаларны яклау көненә туры килә. “Балалар – Җиребез чәчәкләре” исеме астында укучылар асфальтта рәсем конкурсында бик теләп катнаштылар. Лагерьда ял алдан төзелгән план нигезендә оештырыла.

     Ура!!! Завтра начинаются летние каникулы. А сегодня во всех классах были проведены классные собрания, классные руководители ознакомили учащихся с правилами поведения и мерами безопасности во время летних каникул. Желаем всем счастливого лета, много радостных мгновений и всего самого-самого наилучшего!!!

Конец урокам, лето ждет,
Пришла его пора,
С каникулами всех
Поздравляем мы с утра.

Желаем дней веселых,
С друзьями приключений,
Мест новых, незнакомых,
И радостных мгновений.

Желаем мы каникулы
Счастливо провести,
Желаем за 3 месяца
И школу не забыть!

         Бөек шагыйребез юкка гына :“Эш беткәч, уйнарга ярый”, димәгәндер. Уку елын уңышлы тәмамлап, без дә классыбыз белән ял итәргә уйладык. 29 нчы май көнне класс җитәкчебез Нәгыймова Р.Р. һәм рус теле укытучыбыз Хөсәенова Г.М. белән үзебезнең Кесмәс буена сәяхәткә чыктык. Учакта тәмле бәрәңге боламыгы пешереп ашадык.  Рәхәтләнеп балык тоттык, кызыклы уеннар уйнадык, туган як табигатенең гүзәллегенә сокландык, “бакалар концерты”н тыңлап хозурландык.