Сәламәтлекне яшьтән сакларга кирәк. Моның өчен без балалар белән иртәнге гимнастиканы, физкультураны даими эшләп барабыз.  Хәрәкәтле уеннар да безнең якын дуслар. Юкка гына хәрәкәттә бәрәкәт,  димиләр шул. 

Иң кечкенәләребез дә кашыкларын үзләре тотып,мөстәкыйль ашыйлар. Менә нинди зур булдылар инде алар.

Тәрбияче апалар- алтын куллы. Нинди генә могҗизалар тудырмыйлар алар. Балаларга матур,күңелле булсын өчен җәен,кышын зур тырышлык куялар. 

Бакчабызда балаларны яклау көне уңаеннан урамда бик күңелле уеннар уйнадык. Көн бик күңелле, бик мавыктыргыч булды.Үзенчәлекле көн бар баланың күңелендә  озак сакланыр.

Рилә Рәисовна балаларга кечкенә булулурына карамастан патриотик тәрбия бирә. Бала кечкенәдән туган авылын, туган җирен яратып үсәргә һәм горурланырга тиеш.

Мәктәп хәзерлек төркеме балалары бүген яраткан бакчалары белән саубуллашты. Бәйрәм бик эчтәлекле матур булды. Балалар бик тырышып әзерләнгәннәр. Шатлык һәм моңсулык бергә янәшә иде. Шулай да кызыклы концерт номерлары безне сөендерде.Балаларыбызга ак юллар, матур теләкләр теләдек.Тырышып укуларын, әдәпле булуларын теләп калабыз.

Беренче кечкенәләр төркемендә УМК почмагы ясап куелган. Балалар бу почмактагы яңалыкларны өйрәнеп торалар. 

Беренче кечкенәләр төркеме балалары бию күнекмәләрен өйрәнәләр. Шундый тырышалар бит алар

"Спецмашины 01,02,03,04"  ГАИ-ГИБДД оешуга 80 ел тулу уңаеннан район күләмендә  оештырылган конкурста актив катнаштык.

Җир йөзендә иң кадерле кеше - әни. Алар белән үткән һәр минут кадерле, кызыклы,мавыктыргыч. Икенче кечкенәләр төркеме балалары тәрбияче апалары белән стенд ясап куйдылар.Көн дәвамында әниләрен күреп куаналар.