2 нче сыйныфта Асхадуллина Гөлнара Җәүдәтовна татар теленнән "Эш хәрәкәтне белдергән сүзләр" темасына әти-әниләргә  ачык дәрес күрсәтте.Укытучы дәресне сингапур методикасы буенча алып барды. Дәрес кызыклы һәм эшлекле формада үтте. 

4 нче сыйныф җитәкчесе Рамазанова Фәүзия Рафиловна математикадан "Тулы булмаган өлеш язылышында цифрлар саны" темасына  әти-әниләргә ачык дәрес күрсәтте.Укучылар  таблицалы тапкырлау һәм бүлү очракларын кабатладылар, берурынлы санга баганалап бүлүне ныгыттылар һәм зирәклеккә мәсьәләләр чиштеләр.

Бүген 1-5 нче сыйныфларда ата-аналар җыелышы үткәрелде.Әти-әниләргә 1 сыйныфта язудан, 2 нче, 3 нче сыйныфларда татар теленнән, 4, 5 нче  сыйныфларда математикадан ачык дәресләр күрсәтелде.Класс җитәкчеләре әти-әниләрне 2 нче чирек нәтиҗәләре белән таныштырдылар һәм "Белем алуда балаларга ничек ярдәм итәргә?" дигән темага чыгыш ясадылар.

Бүген 9 нчы сыйныф укучылары дәресләрдән соң мәдәният йорты каршында урнашкан Бөек Ватан сугышында һәлак булган авылдашларыбызга куелган һәйкәл янын кардан чистарттылар.

Озынайтылган көн группасы укучылары дәрес әзерләр алдыннан көн саен саф һавага чыгып хәрәкәтле уеннар уйнап керәләр.Саф һавадан соң дәресләрне әзерләве дә җиңелрәк,сәламәтлеккә дә файдалы.

6 нчы класс җитәкчесе Габдрахманова Луиза Мингазовна "Терроризмга каршы бердәм көрәшик" темасына тәрбия сәгате үткәре.Күп кенә террор очраклары,мәгънәсез кан коюлар турында сөйләнелде.Укучыларда терроризмга каршы нәфрәт хисе тәрбияләнде.

Укучыларыбыз ялгыз яшәүче әби-бабайларыбызга ярдәм эшен дәвам итә.Кичә булган бураннардан соң Әминә апаның ишек алларын,капка төпләрен зур-зур кар өемнәре баскан. Укучылар күз ачып йомганчы әбинең ишек алларын чистартып та куйдылар Әминә апа бик зур рәхмәтләр әйтеп калды.

Бүген дәресләрдән соң директор яны киңәшмәсе уздырылды.Киңәшмәдә төп дәүләт имтиханнарына әзердек мәсьәләләре каралды. Мәктәп директоры Мөхәмәдияров Р.Д.имтиханнарга әзерлекне тагын да көчәйтергә кирәклеген ассызыклады һәм яңа төрле ысуллар һәм методлар кулланып карарга тәкъдим итте.

Бүген каникуллардан соң беренче мәктәпкүләм линейка уздырылды.Уку елының беренче яртыеллыгына нәтиҗә ясалды. Укучыларга районкүләмендә үткәрелгән олимпиадаларда алынган 12 призлы урын  өчен һәм ярышларда,конкурсларда актив катнашканнары өчен рәхмәт белдерелде. Дежурлык отчеты тапшырылды.Бу яртыеллыкта да зур уңышларга ирешергә насыйп булсын иде!!!

Поздравляем нашу уважаемую учительницу русского языка и литературы Ахмадееву Равилю Галимовну с юбилеем.Желаем ей от всего сердца здоровья,счастья,успехов,любви,душевного покоя и долгих лет жизни.