Бүген лагерьның бишенче көне. Көннәр салкын булуга карамастан безнең көнебез бик күңелле һәм файдалы үтте. Балалар бик теләп "Мин иң, мин иң..." интеллектуаль уенында катнаштылар. Уенда һәр балага берәр номинация буенча медальләр тапшырылды. Көннең икенче яртысында шашка һәм дартс уеннарында катнашып ике команда да үзләренең бик булдыклы икәнен күрсәттеләр.

Бүген лагерьның 4 көнендә укучылар табигатьне саклауга карата уеннар, викториналар, видеороликлар карадылар. Табигатькә сәяхәт оештырылды, дару үләннәрен аерырга өйрәнделәр һәм аның нинди авыруга шифасы булуы белән таныштылар. Көннең икенче яртысында "Өстәл теннисы" һәм "Лото" уены уйнадылар.

Бүген  лагерьның  өченче  көне.  Бүген  дә  балалар  көннәрен  бик  күңелле  уздырдылар. Туган авылыбызның тарихы музеенда булдылар, җәмәгать урыннарында этикет кагыйдәләре темасына әңгәмә презентация карадылар. Көннең икенче яртысында "Яраткан спорт уеным" темасына сюжетлы аппликация ясадылар.

Икенче көн күңелле лагерь тормышы дәвам итә. Бүген укучылар кечкенә олимпиада уеннары турында белемнәрен арттырдылар, кайберләрен үзләре дә уйнап карадылар. Саф һавада хәрәкәтле уеннар уйнап сәламәтлекләрен ныгыттылар. Көннең икенче яртысында "Туган ягымның файдалы казылмалары" дигән темага презентация карадылар, викторина сорауларына җавап бирделәр.

Бүген "Дуслык" исемендәге мәктәп яны лагеры эшен башлады.

Бу көнне 5-8 сыйныф укучылары җыелышып велосипедта якташ язучыбыз Гариф ага Ахуновның туган җирлегенә экскурсиягә бардылар. Узган ел ачылган Өчиле чишмәсенең суын эчтеләр, Казансу елгасында балык тоттылар, төрле спорт уеннары уйнадылар. 

Бүген мәктәбебезнең 8 укучысы өчен соңгы кыңгырау яңгырады.

Тантаналы линейкада Үрнәк авыл совете башлыгы урынбасары Тимашев Ф.И., ветеран укытучылар, әти-әниләр катнашты.

Мәктәп директоры Камалов Р.Р., килгән кунаклар, әти-әниләр, беренче укытучылары - бар да чыгарылыш сыйныф укучыларына изге теләкләрен теләделәр, имтиханнарда уңышлар юлладылар.

 19 май - Пионериянең туган көнен безнең мәктәп укучылары походта, табигать кочагында билгеләп үтте.

     Техник хезмәткәребез Ибатуллина Миләүшә Сибгатовнаны 55 яшьлек юбилее белән котлыйбыз. Сезгә аяз күк йөзе, шомырт чәчкәседәй ак бәхетләр, корычтай нык сәламәтлек, кояштай озын гомер, чиксез шатлыклар телибез. Киләчәктә дә киң күңелле, ачык йөзле, олы йөрәкле булып калыгыз. Ходай насыйп итеп сезгә алдагы көннәрегездә дә сәламәтлек белән гомер итәргә, бәхеттә яшәргә язсын иде.

    Бүген 4 нче сыйныф укучылары Татарстан Варислары Берлеге сафына керделәр. Аларга тантаналы рәвештә галстукларны пионерлар булган укытучылар һәм 7 сыйныф укучылары бәйләделәр.